ANC premier uitsprake: Orania reageer

Описание: Dit is ’n verkiesingsjaar. In verkiesingsjare gebeur dit altyd: goedkoop politieke skote wat op Orania gemik is om hardelyn-kiesers te paai en emosies aan te blaas. Dit is klaarblyklik noodsaaklik om kiesers op te sweep.
Dr Zamani Saul, ANC-premier van die Noord-Kaap, het onlangs op Facebook so ’n taktiek gebruik om Orania openlik te probeer delegitimiseer, eerder as om met sy leierskap in gesprek te tree.
Die Orania Beweging kan hierdie aantuigings eenvoudig nie onbeantwoord laat nie.
Dr Saul beweer “Orania sluit nou armes uit” nadat hy ‘n rasse insident in sy tuisdorp Petrusville aanskou het, waar ‘n voormalige Oraniër, ‘n gestremde persoon, uit ‘n rolstoel gestamp is.
Wat hy nie besef nie, is hoe groot die kontras is: die hulpbronne wat ander munisipaliteite kry teenoor dit wat Orania self moet inwin.
Terwyl dr Saul byvoorbeeld ‘n begroting van R8,8 miljard het om onderwys in sy provinsie uit te bou, bou Orania se skole op eie stoom ‘n toekoms vir die skoolkinders in ons dorp. Die Orania CVO skool is tans besig om met boere in die omgewing saam te werk en drie nuwe rugbyvelde te bou, sonder ‘n sent staatsgeld.
Dr Saul hou ook toesig oor ’n provinsie met ’n totale begroting van R71,7 miljard, waarvan R53,8 miljard ’n onvoorwaardelike billike-aandeeltoekenning is. Dit word befonds deur belastingbetalers se geld, insluitend die bydraes wat tans nogsteeds deur Orania se mense betaal word.
Orania ontvang egter geen billike-aandeel-belastinggeld terug vir munisipale ontwikkeling nie. Ons buurmunisipaliteit, Thembelihle, het in 2025 ’n billike-aandeeltoekenning van ’n verstommende R38 960 miljoen ontvang!
Wat sou Orania alles kon doen met so ’n begroting wat uit ons eie belastingbydraes terugontvang word?
Moenie toelaat dat die geraas van ’n verkiesingsjaar ons oë van ons ontwikkelingsdoelwitte aflei nie!

Maak 'n donasie aan die Orania Beweging! Só kan jy ons help om ons boodskap wyd te versprei!
https://orania.co.za/donasies/

Selfs beter - sluit aan as 'n lid van die Orania Beweging - https://orania.co.za/lidmaatskap/

Orania Beweging Facebook:   / oraniabeweging  
Orania Beweging Instagram:   / oraniabeweg.  .
Orania Beweging TikTok:   / oraniabeweging  
Webblad: https://www.orania.co.za
Linktree: https://linktr.ee/oraniabeweging