Kapet nje bande shqiptare ne Itali - (6 Mars 2001)

Описание: Lajme Arkiva - TV Klan 2001

Një organizatë kriminale shqiptare, e cilësuar nga hetuesit italian, si një nga më të egrat që veprojnë në territorin italian, u godit sot nga drejtoria e antimafies së Barit. 8 persona u arrestuan midis të cilëve dhe Altin Lagji 26 vjeç, i njohur si kapoja i kësaj bande. Sipas hetuesve italian, të gjithë të arrestuarit janë pjesëtar të klanit Lagji, që punon për një familje të njohur shqiptare, e cila kontrollon trafikun e drogës në shkallë të gjerë mes Shqipërisë, Italisë dhe Gjermanisë.

Drejtoria e antimafies në Bari tha, se grupi i Altin Lagjit, ishte ai që lante hesapet me armë për llogari të familjes mafioze. Të 8 të arrestuarit, të gjithë shqiptarë akuzohen për pjesëmarrje në organizata kriminale, trafik ndërkombëtar droge dhe favorizim të emigracionit klandestinë. Operacioni special i policisë italiane çoi dhe në sekuestrimin e një anije tregtare shqiptare “Taulantia”, e cila zyrtarisht transportonte tulla për në Shqipëri.

Kjo anije ishte në pronësi të 26 vjeçarit Altin Lagji dhe sipas hetuesve të antimafies, ajo përdorej për transport droge dhe klandestinësh. Arrestimet u bënë në momentin kur Altin Lagji ndodhej në anije, bashkë me vëllain e tij Alfredin 28 vjeç, i cili sipas hetuesve drejtonte sektorin e drogës. Bashkë me dy vëllezërit në anije u arrestua dhe Tahir Hoxha 64 vjeç, Xhelal Skënderi dhe katër marinarë./tvklan.al

Gazetar – Eduart Frangaj



SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/