Një shekull muzikë, një skenë e vetme: “100 Këngët e Shekullit” rikthehet në Tv Klan-(21 Tetor 2011)

Описание: Lajme Arkiva 2011

“100 Këngët e Shekullit” spektakli madhështor që tërheq çdo vit vëmendjen dhe shikueshmërinë më të lartë të publikut, rikthehet përsëri në televizionin Klan. Këtë sezon shoë muzikor është një udhëtim mes vendeve dhe shteteve në të gjithë botën. Do të vijë muzika më e zgjedhur, më e dashur e një shekulli, muzika moderne, por edhe ajo e traditës.

Si gjithnjë ky spektakël mban firmën e promotor dhe televizionit Klan, të cilët shpresojnë të fitojnë sërish dashurinë dhe vëmendjen e publikut.

Bledar Laço: “Ne në të gjitha produksionet tona jemi përpjekur që të jemi të kujdesshëm dhe të sjellim në vëmendje dhe në vëmendje të publikut krijimtarinë më të mirë, atë që zakonisht jo vetëm na ka përfaqësuar ne në arenën muzikore, por këtë radhë kemi vendosur për një format të ri të ngjashëm në serialin tonë të “Këngëve të Shekullit” të sjellë në specifikën e vetë për muzikën botërore. Çdo natë do të jetë e veçantë, do të jetë e dedikuar për muzikën e një vendi të caktuar. Ne fillojmë nesër mbrëma me mbrëmjen e muzikës ruse.”

Programi do të vijë çdo të shtunë në mbrëmje në teatrin madhështor të televizionit Klan, një teatër për të cilin ka punuar mjeshtëri italian i skenografisë Gaetano Castelli, por edhe gjithë stafi i përkushtuar i televizionit kombëtar.

Janë me dhjetëra kameramanët, teknikët e ndriçimit, të transmetimit, teknikët e zërit, punëtorët e skenës, të cilët do të bëjnë që të sjellin këngën në të gjithë shtëpitë e shqiptarëve.

Bledar Laço: “Nuk do harroja të falënderoja punën e madhe të të gjithë stafit që në këto raste është gjithmonë i padukshëm, por që kryen një punë të jashtëzakonshme dhe që përballon një stres kaq të madh për të arritur që në një kohë kaq të shkurtër të dalësh përpara publikut me një, si të thuash me një fytyrë të re dhe me zhvillime të reja televizive. Djemtë e ndriçimit, ata të teknikës,domethënë ata gjithmonë mbeten të heshtur, por që puna e tyre në grup bashkë me producentët dhe regjisorët mbetet le të themi e pavlerësuar, ose e pa, e pa falenderuar ashtu si duhet.”

Spektakli do të ketë imazhin e dashur dhe shumë të suksesshëm të moderatorit Pandi Laço, i cili është njëkohësisht edhe skenaristi dhe regjisor Bledi Laçon. Firmën e Bledit mbajnë të gjitha spektaklet e mëdhenj të promotorit dhe televizionit Klan. Çdo lëvizje kamere, çdo fiksim objektivi dhe çdo duartrokitje do të kalojë përmes syrit të tij prej artisti që ka fituar besimin e çdo teleshikuesi.

Bledar Laço: “Ju falenderoj për vëmendjen edhe për komplimentin. Por unë do të thoja që ashtu siç e theksova dhe në fillim që ne si grup edhe si grup krijues jemi përpjekur gjithmonë të sjellim në vëmendje të shikuesve gjëra që do të mbeten për një kohë të gjatë në memorie dhe t’i realizojmë sa më mirë ato. Kjo jo vetëm nga pikëpamja e egos artistike, por edhe nga detyra që kemi marrë tani më përsipër për të risjellë në ekran vlerat e vërteta të muzikës, qoftë shqiptare, por edhe ato të tanimë të muzikës botërore.”

“Këngët e Shekullit” do të vijnë në ekranin e televizionit Klan për 12 të shtuna me radhë dhe ju do të keni kënaqësinë të dëgjoni zërat më të vlerësuar të skenës shqiptare, por edhe botërore. Nata ruse vjen e para në transmetim të drejtpërdrejtë./tvklan.al


SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/