#របៀបធ្វើចាហួយដូង

Описание: #របៀបធ្វើចាហួយដូង

#គ្រឿងផ្សំ ៖
ម្សៅចាហួយ ១ ស្លាព្រាបាយកន្លះ
ស្ករស ២ ស្លាព្រាបាយ
អំបិល បន្ដិច
ដូងខ្ចី ១ ផ្លែ
ខ្ទិះដូងដំបូង មួយកូនចាន

#វិធីធ្វើ៖

១. ដំបូងអ្នកត្រូវចិតសំបកដូងជាមុនសិន បន្ទាប់មកធ្វើការកាប់មុខដូងដើម្បីយកទឹកចេញ ប៉ុន្តែប្រយ័ត្នកុំឲ្យដាច់ដើម្បីទុកជាគម្របហើយប្រើក្នោសកោសយកសាច់ចេញ។
២. បន្ទាប់ពីកោសាច់ចេញរួច អ្នកត្រូវចាក់ទឹកនោះចូលទៅក្នុងឆ្នាំងមួយ បន្ទាប់មក ចាក់ អំបិល ស្ករ ព្រមទាំងម្សៅចាហួយមួយស្លាព្រាចូល កូរឲ្យសព ហើយយកទៅដាក់ដាំឲ្យពុះ នៅក្នុងអំឡុងពេលដាំអ្នកត្រូវកូរវាឲ្យជាប់ដើម្បីកុំឲ្យវាកកបាតក្រោម។
៣. បន្ទាប់ពីដាំពុះហើយ អ្នកត្រូវយកវាមកដាក់ក្នុងដូង ហើយបន្ថែមសាច់ដូងដែលអ្នកកោសទុកនោះចូល រងចាំឲ្យចាក់ខ្ទិះរងចាំឲ្យត្រជាក់បន្តិច។
៤. បន្ទាប់ពីចាក់ចាហួយចូលហើយ អ្នកត្រូវចាក់ខ្ទិះដូងដំបូងចូលទៅក្នុងឆ្នាំង រួចបន្ថែមម្សៅចាហួយដែលនៅសល់ចូលកូរឲ្យសពដាក់ដាំឲ្យពុះ។

ធ្វើការពិនិត្យមើលចាហួយដែលមាននៅក្នុងដូងឲ្យប្រាកដថារឹងមុខលើអាចចាក់ខ្ទិះបាន រួចធ្វើការចាក់ខ្ទិះចូលរងចាំឲ្យត្រជាក់ ១០០% ចង់ឲ្យត្រជាក់ឆ្ងាញ់យកទៅដាក់ក្នុងទូរទឹកកកឬធុងទឹកកកត្រជាក់ៗកាន់តែឆ្ឆាញ់ ។