Qədim şəhərin rəmzinə çevrilən gerb - BAKU TV

Описание: Qədim şəhərin rəmzinə çevrilən gerb - BAKU TV

Aktual xəbərlərimiz
   • QARABAĞ XRONİKASI  
   • Плейлист  
   • Плейлист  

Dünyanın bütün böyük və qədim şəhərlərinin gerbinin olması heç kimə sirr deyil. Azərbaycanda da bəzi şəhərlərin rəmzi simvolları və gerbləri var. Onlardan biri də yaşı min illərlə ölçülən, ölkəmizin tarixi və mədəni paytaxtlarından sayılan Gəncədir.
2004-cü ildə Şəhər İcra Hakimiyyəti tərəfindən yaradılan xüsusi komissiya tərəfindən təsis edilən şəhər gerbinin hazırlanmasında əsasən Gəncə xanı Cavad xanın hakimiyyəti dövründə xanlığın bayrağında əks olunan simvollara istinad edilib.
Həmin vaxt komissiyanın rəhbəri olmuş akademik Fuad Əliyev deyir ki, müsabiqəyə təqdim olunan 85 eskiz arasında məhz bu varianta üstünlük verilməsi üçün kifayət qədər ciddi səbəblər var idi. Bu variant şəhərin tarixi və mədəni kodlarını özündə əks etdirən ən yaxşı nümunə idi.
Şəhərin həm yeni, həm də qədim gerbi deyə biləcəyimiz rəmzin üzərindəki simvollar da özlüyündə böyük məna yükü daşıyır.
Tarixçi Sevda Abdullayevanın sözlərinə görə, günəş əbədi həyatı, ay əbədi işığı, tərəzi bərabərliyi, palıd möhkəmliyi, yaşıl rəng islamı, səkkizguşəli ulduz isə cənnətin 8 qapısının olmasını ifadə edir.
400 ilə yaxın Gəncə bəylərbəyliyini idarə etmiş Ziyadoğlular nəslinin ərmağanı olan gerbin yenidən qədim şəhərin rəmzinə çevrilməsini sakinlər qürur və rəğbətlə qarşılayırlar.
Ziyadoğluların Gəncədə hakimiyyətdə olmuş son nümayəndəsi olan Cavad xanın 1804-cü ildə çar Rusiyası qoşunları ilə döyüşdə öldürülməsindən sonra tarixin tozlu qatlarında qalan, 2004-cü ildə isə yenidən həyata əbədi vəsiqə qazanan gerb indi şəhərin əsas bəzəyidir.

Baku TV dünyanın hər yerindən ən aktual və mühüm xəbərləri yayımlayan xəbər agentliyidir. Öz məzmunumuzdan əlavə, müəllif hüququ ilə qorunan xarici məzmundan istifadə etməyimiz kommersiya məqsədi daşımır.

Sosial şəbəkələrimiz
  / www.baku.tv  
  / bakutvofficial  
  / bakutvofficial  
https://t.me/bakutvxeber
https://www.baku.tv

Qədim şəhərin rəmzinə çevrilən gerb


© 2022 © All Rights Reserved ℗ Baku TV

#gence #qedimseher #remz #gerb