په بلجيم کې څنګه قانوني او دايمي اقامه ترلاسه کولای شو؟

Описание: په بلجيم کې د اوسېدو لپاره دا مهمه ده چې ته ويزه يا په قانوني ډول اقامه ولرې. کله چې تاسې ته ویزه یا اقامه درکول کېږي، تاسې ته شرطونه درکول کېږي چې بايد يې پوره کړې. دا شرطونه ښيي چې ته ولې بلجيم ته راغلی يې، او څنګه به دلته ژوند کوې.

د بېلګې په ډول، که د کورنۍ غړي په توګه بلجيم ته راغلی يې، بايد وښيې چې له خپلې کورنۍ سره ريښتونی او دوامداره اړيکى لرې او له هغوی سره اوسېږې. که د کار لپاره راغلی يې، بايد وښيې چې رسمي کار لرې او له همدغه لارې کافي عايد ترلاسه کوې. همدارنګه، بايد روغتيايي بيمه ولرې او داسې ځای کې اوسېږې چې د استوګنې لپاره مناسب وي.

بلجيم ته له راتلو وروسته، که دا شرطونه نور پوره نه کړې، د بېلګې په توګه بې‌کاره شې، جنايي جرم وکړې، يا له خپلې کورنۍ سره اړیکه ختمه کړې، نو د کډوالو اداره کولای شي ستا د اوسېدو اقامه ختمه کړي. خو دا پريکړه ناڅاپي نه کېږي؛ مخکې له هغې تاسې ته دا حق درکول کېږي چې خپل شواهد او دلایل وړاندې کړې او له ځانه دفاع وکړې.

که د څو کلونو لپاره په دوامداره او قانوني توګه په بلجيم کې ژوند وکړې، نو کولای شې چې د دايمي اقامې اجازه وغواړې. دايمي اقامه دې ته وايي چې نور د تمديد لپاره هر وخت ښاروالۍ یا حکومت ته نه ورځې، او تر ډېره د يو بلجيمي اوسېدونکي په څېر حقونه لرې.

د دايمي اقامې لپاره، حکومت ګوري چې ته ښه مالي حالت لرې، مجرم نه يې، او د بلجيم ټولنې سره د يو ځای کېدو هڅه دې کړې دي. لکه ژبه زده کول، کار کول يا له خلکو سره ښې اړيکې لرل.

#اقامه_په_بلجيم #ويزه #کډوال_په_بلجيم #قانوني_اقامه #بلجيم_ژوند #دائمي_اقامه #دکډوالۍ_قانون #ImmigrationBelgium #PashtoExplained #پښتو_معلومات