Misiangtho Martina Pawini. (January – 30)

Описание: Misiangtho Martina in kumzalom (3) hunin Rome ah suak hi. Martina anaupang hun sungin a nulepa te in sihsan hi. Amah in nulepa a omnawnloh nungah upna tawh nungta in ama neih le lam te zong mizawngte piakhia hi.
Martina nuntak hun sung pen Alexander Severus in Rome a uk hun hi-in, mi khempeuhin milim biak ding thukhun nei hi. Hi mahtale Martina in tua bang milimte bia zo lo ding hing ci-in hangsan takin na nial hi.
Tua bangin anialna hangin Martina in tamveipi satgawpna a thuak bek thamlo in aci asa te sikkhau, sikpim te tawh kui in ahi zongin bel kitam themte tawh kuikek gawp in ahi zongin bawlsiatnate thuak hi. Tua banah apumpi in a zum mahmah temta tawh at gawp uh hi.
Tua bangin a tuamtuam in abawlsiat khit uh banah sathau so vingving bel sungah khia sukin kang lai uh hi. Tua khit ciangin gamsa gilo te nek dingin koihin ahi zongin meiphual ah khia in ahi zongin bawlsiatna te nasia tak in thuak hi. Tua bangin a kibawlsiat hangin Martina in ahih le a sih loh banah a zing ciangin natna satna bangmah a neilo mikhat bangin ama tungah liamma khat zong omlo in baanglo hi. Tua bangin Martina tunga thu piang a mu mi pawl khatin Christian upna sang uh a, amau nuntakna kikhel uh hi.
Simmawh bawlsiatna tuamtuam athuak Martina in Pasian vangliatna tawh thu anget ciangin khuapi sungah zinliingin vanthumin, vantung pan mei kia sukin dawi milim biakna khempeuh kisia mang hi.
Khat veivei ciangin Martina in Pasian tau tungah vantungmite tawh kipawl khawmin Pasian min phatna la sa in a om na zong ki mu thei hi.
Martina pen a tuamtuam in a bawlsiat uh hangin a sih theih loh ciang, AD 228 kumin ngawngtan in that nading thu kipia hi. Tua bangin Martina in thahna athuak khit phetin vantung pan aw khat ginga, tua hun sungin khua zangbupin lungpatau mahmah in mitampite in Christian upna sangin Christian sungah lut uh hi. Martina ii nawi pan anamtui mahmah sisan luangkhia ahih manin Misiangtho Martina pen Rome khuapi le naungeek nawipia lai nupite ahuh Misiangtho in kiciamteh hi.
Misiangtho Martina aw….Kote adingin thu hong ngetsak tan.