BIBI KAY ASIMULIA SAFARI YA MAISHA YAKE, AITA TANZANIA “NYUMBANI” | AMKABIDHI RC MTAKA KITABU CHAKE.

Описание: Mwandishi wa kitabu Becoming BBK, maarufu kama Bibi Kay, ameendelea kusimulia safari yake ndefu ya maisha na huduma kwa jamii, akieleza kuwa Tanzania imekuwa sehemu ya maisha yake.

Akiwa Njombe, Bibi Kay alijikita katika kusaidia miradi ya kiuchumi kwa wananchi hususan wanawake, ambapo aliwafundisha kina mama kutengeneza jamu zilizofanikiwa kuuzwa hadi Dar es Salaam. Aliandika na kushinda ruzuku mbalimbali zilizosaidia kujengwa kwa miradi ya kijamii ikiwemo maktaba ya watoto karibu na shule ya msingi, pamoja na kusaidia zahanati na huduma za afya. Katika tukio la kihistoria la Mwenge wa Uhuru, maktaba hiyo ilipata heshima ya kutembelewa na viongozi, huku kina mama wakionyesha ubunifu wao kwa kuuza jamu kwa waheshimiwa waliokuwepo.

Katika simulizi zake, Bibi Kay amelea jumla ya watoto yatima 21, ambao wengi wao leo wanaendelea na masomo ya juu katika fani mbalimbali ikiwemo sheria, uuguzi, famasia, usafirishaji na animation. Pia alichukua mtoto mmoja akiwa na umri wa miaka sita ambaye sasa ana miaka 27 na anajiandaa kujiunga na shule ya sheria Dar es Salaam. Bibi Kay amesema mafanikio ya watoto hao ni ushuhuda wa nguvu ya upendo, malezi na jamii kushirikiana.

Akizungumzia uongozi wa eneo hilo, Bibi Kay amemtaja Mbunge wa Jimbo la Njombe Mjini, Mhe. Deo Mwanyika, kuwa ni kiongozi mahiri mwenye maono makubwa kwa wananchi wake, anayethamini masuala ya kijamii na huduma zinazogusa maisha ya watu. Amesema uongozi wa aina hiyo umechangia kuwepo kwa mazingira rafiki ya utekelezaji wa miradi ya kijamii aliyoshiriki katika Mkoa wa Njombe.

Katika tukio hilo hilo, Bibi Kay alimkabidhi Mkuu wa Mkoa wa Njombe, Mhe. Anthony Mtaka, nakala ya kitabu chake Becoming BBK, akisema amekuwa akimfuatilia kwa muda na kubaini kuwa ni kiongozi anayependa na kuthamini kusoma vitabu. Alieleza kuwa alimchagua kumpa kitabu hicho kwa imani kuwa atasoma na kuelewa ujumbe wa maisha, huduma na kujitolea uliomo ndani ya kitabu hicho.

Bibi Kay amefafanua kuwa Becoming BBK ni kumbukumbu ya safari ya maisha yake kuanzia utoto wake mzuri, ndoa yenye, hadi huduma zake kwa jamii nchini Tanzania, hususan Mkoa wa Njombe. Amesema kitabu hicho kilichapishwa Mei 2025 na tayari ameuza mamia ya nakala binafsi, huku lengo lake likiwa kuhamasisha watu, hasa waliostaafu, kutambua kuwa maisha hayakomi bali yanaweza kuanza upya kwa kufanya mema.

Akihitimisha, Bibi Kay ametoa wito kwa viongozi na jamii kwa ujumla kuendeleza mshikamano, kusaidiana na kuthamini miradi ya kijamii, akisisitiza kuwa mafanikio ya kazi alizozifanya yalitokana na ushirikiano kati ya wananchi, wadau wa maendeleo na viongozi waliokuwa tayari kusikiliza na kushirikiana. Ameacha ujumbe wake wa maisha kwa maneno machache lakini yenye uzito mkubwa: “Be kind. Be nice.”
...........................................................................................................................
The author of the book Becoming BBK, popularly known as Bibi Kay, continues to share the long journey of her life and service to the community, stating that Tanzania has become an integral part of her life.

While in Njombe, Bibi Kay focused on supporting economic empowerment projects for local communities, particularly women. She taught women how to make fruit jams that were successfully sold as far as Dar es Salaam. She wrote and secured several grants that supported the establishment of social development projects, including a children’s library near a primary school, as well as contributions to dispensaries and health services. During the historic Uhuru Torch (Mwenge wa Uhuru) event, the library was honored by a visit from leaders, while the women demonstrated their creativity by selling jam to the visiting dignitaries.

In her story, Bibi Kay says she has raised a total of 21 orphans, many of whom are now pursuing higher education in various fields, including law, nursing, pharmacy, transportation and logistics, and animation. She also took in a child at the age of six, who is now 27 years old and preparing to join law school in Dar es Salaam. According to Bibi Kay, the success of these children is a testament to the power of love, mentorship, and community cooperation.

Speaking about leadership in the region, Bibi Kay described the Member of Parliament for Njombe Urban, Hon. Deo Mwanyika, as a capable and visionary leader who values social development and services that directly impact people’s lives. She noted that such leadership has helped create a supportive environment for the implementation of the social projects she was involved in within Njombe Region.