Семейде саяжай тұрғындары жалғыз көпірді шұғыл жөндеуді сұрайды

Описание: Арнаға тіркел / Подпишись на канал:    / @thesevennews  

«Большой Остров» саяжайының тұрғындары Семейге қатынайтын жалғыз көпірді шұғыл жөндеуді сұрайды. Себебі көктемде оны су шайып кету қаупі бар. Бірер күн бұрын Ертіс өзені арнасынан асып, аспалы көпір айтарлықтай бүлінген. Қазір 200-ден аса адам мекен ететін саяжайдан халық біртіндеп көшіп жатыр.
Икен Қараханова осы саяжайда жиырма жылдан бері тұрады. Соңғы кезде қалаға қатынау қияметке айналғанын айтады. Күн сайын қылкөпірден өткендей боламыз дейді. Өйткені Шүлбі гидроэлектр станциясынан су мол жіберіліп, сірескен мұз көпірді қисайтып жіберген.
ИКЕН ҚАРАХАНОВА, САЯЖАЙ ТҰРҒЫНЫ:
Шыдамайды ол. Сіз жаңа өзіңіз көрдіңіз. Жалғыз өтетін жол. Қазір не нанға бара алмайды, не жұмысқа шыға алмайды. Не дәрігер шақыра алмайды. Бізде міне, жағдай болып отыр.
Саяжайда 250 түтін бар. Тұрғындардың дені – егде тартқан адамдар. Міне, осы қариялар емханаға жете алмай, ауруымыз асқынды деп отыр. Жергілікті билік өкілдері жағдай бақылауда, алаңдауға негіз жоқ дейді.
БЕРІК НҰРБОЛАТОВ, ҚАЛА ӘКІМІ КӨМЕКШІСІНІҢ МІНДЕТІН АТҚАРУШЫ:
Бұл азаматтармен 24/7 байланыстамыз. Әр тұрғын, азамат пен азаматшамен жеке нөмірімде. Сонымен қатар ТЖ қызметкерлерінің алдын алу жұмыстарының мамандарымен де. Семей қаласы әкімінің бас инспекторы және өзіммен де тікелей байланыстамыз.
Дегенмен салынғанына 43 жыл болған аспалы көпір үзілуге шақ тұр. Сондықтан тұрғындар көп кешіктірмей өткелді жаңартып беруді сұрайды. Әкімдік өкілдері қалпына келтіретінін жеткізді.
---------------------------------------------
Официальный сайт «Седьмого канала» https://tv7.kz/ru/
Instagram:   / tv7_kz  
TikTok:   / tv7_kz  
Facebook:   / tv7kz  
Telegram: https://t.me/tv7_kaz

#Жаңалықтар #жаңалықтар2025 #жаңалықтаржетіншіарна #Жетіншіарна #седьмойканал #7канал