მიხეილ კოშკაძე - ქართველო 💎 ქართული პოპულარული სიმღერები 💎 ქალაქური სიმღერები💎ქართული ესტრადა

Описание: #კოშკაძე #koshkadze #მიშიკოკოშკაძე #mishakoshkadze
მიხეილ (მიშიკო) კოშკაძე - ქართველო
💎 ქართული პოპულარული სიმღერები
💎 ქალაქური სიმღერები
💎ქართული ესტრადა

მომღერალი ბარდი მიხეილ კოშკაძე 1968 წლის 1 დეკემბერს დაიბადა და გარდაიცვალა 2018 წლის 30 ოქტომბერს. გიტარაზე დაკვრა მას ოთარ რამიშვილმა ასწავლა. იგი მოღვაწეობდა ქალაქ გორში და ერთგვარ ქალაქის კოლორიტ პიროვნებად ითვლებოდა. მიშიკო (ასე ეძახდნენ მას) არანჟირებას უკეთებდა თავისივე დაწერილ და ასევე მურმან ლებანიძის, გიორგი მახარობლიძის ლექსებს.

მიშიკოს ხსოვნას
ხომ შესწრებიხართ, ცაში ვარსკვლავთ გარდაცვალებას?
ჩაიქროლებენ ორბიტაზე ცეცხლის კუდებით,
ზოგიერთს ალბათ ჩაფიქრებაც არ დასცალდებათ,
ერწყმიან კოსმოსს ნაჩქარევი ეტიუდებით.
წავიდა ისიც, როგორც ერთი მნათობთაგანი,
დარჩა ქალაქი, თითქოს ზეცა უვარსკვლავებო,
ენთო იმედად და ხარობდა ირგვლივ მთა-ბარი,
ცდებოდა ჰანგი ტკბილი მისი უბანს და ერდოს.
ეს იყო ლოცვა, აფრენილი მტრედი ბაგიდან,
თითებიც სიმებს ეწყობოდნენ სამნი საპირჯვრედ
და იცლებოდა ღვინო ჯამში გინდა, არ გინდა...
ემსგავსებოდა სადღეგრძელო, აჭრილ ნაბიჯებს.
მერე მორთავდა, მობარბაცე ქუჩებს ნოტებით,
მიჰქონდათ სევდა დახრილ სახლებს მთვრალთან მუზებად,
და ისიც ღვინის და ტრფიალის ცეცხლის მოდებით,
წამოისევდა შემოდგომას ფრთამალ ფურცლებად.
არ წყინდებოდა ჩახუტება ყველა გორელის,
დაგისაგზლებდა ღიმილიან ტაბლას რითმებად
და საფეთქლებთან სიგარეტის თეთრი რგოლებით
გაიყოლებდა სისპეტაკის ავლადიდებას.
მიჰქონდა სითბო სუფთა გულით, გამხდარი მხრებით,
სულის მუსიკას ადარებდა ჭადრების სუნთქვას,
და სიყვარულის, გაწყვეტამდე გადაშლილ ფრთებით,
ეფრინა მაღლა, კიდევ მაღლა, ღრუბლებთან, სურდა!
ხომ შესწრებიხართ, ცაში ვარსკვლავთ გარდაცვალებას?
ჩაიქროლებენ ორბიტაზე ცეცხლის კუდებით,
წავიდა ისე, ვით სიმღერის არ დაცალება
და დარჩათ ქუჩებს მისი ხსოვნის ეტიუდები...
დ. დარბაიძე 2019.09.14

ძალიან ჩუმად წავიდა ...
იქ , სხვა სამყაროში ...
გიტარა აიღო და წავიდა ...
იქ , მუსიკაც სხვანაირად ჟღერს ...
მახსოვს , როცა პირველად შევხვდით ერთმანეთს , ის უკრავდა ... მე ლექსს ვკითხულობდი ...
მიშიკო წავიდა ....
ქუჩა ისე გადაჭრა უკან არ მოუხედავს ... ტკივილით სავსე წავიდა ...
ამბობენ იღიმოდაო ... მეც ასეთს დავიმახსოვრებ ...
იშვიათია, კაცს , გიტარა , სიმღერა და ღიმილი ასე უხდებოდეს ... ვერ გავუფრთხილდით ...
მიშიკო წავიდა ...
გიტარა აიღო და წავიდა ...
ვიკა ქალდანი
30.10.18