Լենինի արձանի փոխարեն պետք է ուղղափառ տաճար լիներ. կուլիսներում որոշված էր

Описание: Հայ Առաքելական Եկեղեցու որոշ թեմերում 2018 թվականից կիրառված «Առաքելական ուղղափառ» ձևակերպումը, որի մասին օրերս խոսեց Մայր աթոռի կողմից կարգալուծ հռչակված Գևորգ եպիսկոպոսը, կտրուկ արձագանք առաջացրեց ոչ միայն հասարակության լայն շրջանակներում, այլ հատկապես ընդդիմադիր քաղաքական դաշտում։

Աստվածաբան Հարություն Հարությունյանի նշում է՝ նման անվանափոխության նախադեպ եղել է դեռևս 2014 թվականին՝ Բուլղարիայի հայոց թեմում՝ առանց ազգային եկեղեցական ժողովի որոշման։

Մինչ այդ, նա բացահայտում է՝ հեղափոխությունից որոշ ժամանակ առաջ ձախողվել էր ռազմավարական մի նախագիծ․ «Ռուս ուղղափառ եկեղեցին պայմանավորվել էր արդեն Մայր Աթոռ սուրբ Էջմիածնի հետ և ժամանակին նախագահ Սերժ Սարգսյանի հետ, որ պետք է Հանրապետության հրապարակի ետևի մասում, այնտեղ, որտեղ Լենինի արձանն էր ժամանակին կանգնած կառուցեն մի մեծ ուղղափառ տաճար»։

Հարությունյանի խոսքով կուլսիներում ամեն ինչ որոշված էր. «Դա լինելու էր մի սիմվոլ, որը պետք է ցույց տար այսպես ասած՝ ոչ թե դավանաբանական միությունը երկու եկեղեցիների, այլ մեր ազգերի միասնությունը, եղբայրությունը և  ենթակայությունը»։

Իշխանափոխությունից հետո այդ ծրագիրը տապալվեց, և ըստ բանախոսի, եկեղեցական որոշ շրջանակներ փորձեցին այլ ճանապարհով վերահաստատել իրենց հավատարմությունը՝ թեմերի անվանափոխությամբ և կրթական կառույցների ստեղծմամբ Ռուսաստանում։

Մանրամասները՝ տեսանյութում