Top News - Nuk ka asnjë vend të sigurt në Rusi / Kremlini në ethe: Dronët ukrainas, të frikshëm

Описание: Një zyrtar i lartë rus i sigurisë paralajmëroi të martën se ritmi dhe zhvillimi i prodhimit të dronëve ukrainas do të thotë se asnjë rajon rus nuk është i sigurt nga sulmet. Sergei Shoigu, sekretari i Këshillit të fuqishëm të Sigurisë së Rusisë dhe ish-ministër rus i mbrojtjes, tha në një takim me zyrtarët në qytetin e Jekaterinburgut në Urale, se numri i sulmeve sabotuese ukrainase kundër Rusisë ishte rritur me 40% në vitin 2025, në gjithsej 1,830 incidente. "...ritmi i zhvillimit të sistemeve të armëve, kryesisht sistemeve të dronëve pa pilot, dhe sofistikimi i metodave të përdorura për t'i lëshuar ato janë të tilla që asnjë rajon i Rusisë nuk mund të ndihet i sigurt", u citua Shoigu nga agjencia shtetërore e lajmeve TASS.
Kryebashkiaku i Moskës tha të hënën se sistemet e mbrojtjes ajrore kishin zbrapsur sulmin më të madh ndaj kryeqytetit rus në të paktën një vit, duke rrëzuar 250 dronë ukrainas gjatë fundjavës. Ministria ruse e Mbrojtjes raportoi të martën se 421 dronë ukrainasë janë rrëzuar në 24 orët e fundit. Rusia ka bombarduar objektivat ukrainase me artileri, dronë dhe sulme ajrore, ndërsa Ukraina ka goditur thellë brenda Rusisë me grupe sabotimi dhe dronë, duke vrarë gjeneralë rusë dhe duke sulmuar rafineritë e naftës dhe tubacionet e naftës. Në komente të veçanta në të njëjtin takim të martën, Shoigu tha se një rrjet agjencish inteligjence nga 56 vende po vepronte kundër Rusisë për të ndihmuar ato që ai i quajti sulme "sabotimi dhe terroriste". Ai nuk i përmendi agjencitë e inteligjencës.

Pamje:AFP


Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#Sulmet#Dronet#Kremlin