Zəhra Əkrəm - Bir az yaxın otur, sevdiyim - Kamran M. YuniS

Описание: #kamranyunis #zəhraəkrəm #kamranmyunis #poeziyateatrı #şiirler
#şeirlər #sevgişeirləri #xəyyammirzəzadə #xəyallar #poeziya

Zəhra Əkrəm - Bir az yaxın otur, sevdiyim
Bəstəkar - Xəyyam Mirzəzadə - "Bağ mövsümü" film musiqisi

Bir az yaxın otur, sevdiyim.
Başını yasla sinəmə.
Eşidirsənmi ürəyimdən gələn səsləri?
Döyüntü zənn elədiyin o səslər var ha,
Bax, onlar döyüntü deyil.
Qəlbimdə sənə bir yuva inşa edirəm ən sarsılmazından –
onun səs-küyüdür.
Dünyanın üzərinə gəldiyini hiss elədiyin anlar olar
Qaçıb sığınmağa yerin olsun.
Bilirsən də,
Gözlər qəlbin aynası yox, qapısıdır.
Gözündən girirsən bir insanın qəlbinə,
gözündən düşürsən qəlbindən çıxmaq üçün.
Bəlkə də qapılar gedişlərə qapalı olsun deyə
sevgi kor edir gözləri.
Mən o kor qapıları taybatay açıq qoyaraq sevdim səni.
"Səni sevirəm" demədim bəzən şablon səslənər qorxusuyla
"Sən ruhumun kədərlə savaşında səslənən zəfər çığlıqlarısan" – dedim.
"Gülüşlərin tapdaq altındakı ruhuma hürriyyət marşı,
Baxışların qəlbimin qütblərinə meydan oxuyan Günəş şüasıdır." – dedim.
Bir az yaxın otur, sevdiyim.
Eşidirsənmi ürəyimdən gələn səsləri?
Bax, o səslər yuvana doğru atdığın addımların səsidir.
Qədəmlərin mübarək, sevdiyim.
Qədəmlərin mübarək!