Ծովակ - Բասեն բարի | Tsovak - Basen bari

Описание: «Բասեն բարի»-ն աշխույժ, թեթև պարերգ է, որը կարող է ուղեկցել վերվերի պարին:
Առաջարկված տարբերակում կրկնակը հնչում է երկու անգամ ամբողջությամբ' միայն մեկ բառի
տարբերությամբ' տղա-ի փոխարեն աղջի.
Բասեն բարի, Բասեն բարի,
Հայ նուբարի, ջան նուբարի,
Տղա (աղջի), արի, բռնե, պարի,
Հայ նուբարի, ջան, նուբարի, նուբարի:

Խաղիկի հետ կրկնակը կարող է կատարվել
ա) անհամաչափ' մեկ տող խաղիկ, երեք տող կրնակ.
Երկու գնա, երեք արի,
Հայ դոմբարի, ջան դոմբարի,
Տղա, արի, բռնե, պարի,
Հայ դոմբարի, ջան, դոմբարի, դոմբարի:
բ) տողընդմեջ' մեկ տող
խաղիկ, մեկ տող կրկնակ.
Արեք խաղանք էս դոմբարին,
Բասեն բարի, Բասեն բարի,
Ինչքան ուրախ է էս տարին,
Հայ դոմբարի, ջան, դոմբարի, դոմբարի:
*Աղջի – աղջիկ բառի բարբառային ձևն է, ուստի գրվում է այնպես ինչպես հնչում է:
Պարերգի կատարման հիմնական ձևը փոխեփոխ երգեցողությունն է'
1. մեներգող-խումբ. սկսում է մեներգողը, կրկնակի ժամանակ միանում է խումբը,
2. երկու կամ ավելի մեներգողներ հերթով են երգում' հարց ու պատասխանի նման: Մեներգողները հիմնականում մասնակցում են նաև պարին:
___________________________________________

Բասեն բարի, Բասեն բարի,
Հա՛յ Նուբարի, ջա՛ն Նուբարի,
Տրղա, արի, բըռնե պարի,
Հա՛յ Նուբարի, ջա՛ն Նուբարի, Նուբարի:

Երկու գընա՝ երեք արի,
Հա՛յ դոմբարի, ջա՛ն դոմբարի,
Աղջի, արի, բըռնե պարի,
Հա՛յ դոմբարի, ջա՛ն դոմբարի, դոմբարի:

Արեք խաղանք էս դոմբարին,
Բասեն բարի, Բասեն բարի,
Ինչքան ուրախ է էս տարին,
Հա՛յ դոմբարի, ջա՛ն դոմբարի, դոմբարի:
___________________________________________

«Ազգային երգ ու պար» առարկայի շրջանակներում «Ծովակ» ավանդական երգի-պարի խումբն իրականացրել է դպրոցական ծրագրի երգերի ձայնագրությունները:

Ձայնագրություն` Գարեգին Առաքելյան
Նվագակցություն` Սևադա Իրիցյան, Գրիգոր Դավթյան

Հիմնադիր` Գագիկ Գինոսյան
Գեղ. ղեկավար` Անի Գինոսյան
Երգուսույց` Անուշ Բալբաբյան
Պարուսույց` Աբել Մաթևոսյան