Tv Klan - Trump kërcënon Iranin: Bisedime ose sulm së shpejti!

Описание: Donald Trump dhe Teherani shkëmbyen kërcënime në distancë, teksa mundësia e një sulmi ushtarak amerikan ndaj Republikës Islamike po bëhet më e dukshme me lëvizjen pranë brigjeve të Iranit të aeroplanmbajtëses së Shteteve të Bashkuara, Abraham Lincoln.

Përmes rrjetit social personal Truth, presidenti amerikan i bëri thirrje Iranit të ulet në bisedime për një marrëveshje për armët bërthamore, pasi, në të kundërt, siç tha ai, sulmi i ardhshëm ndaj këtij vendi do të jetë shumë më i keq se ai i qershorit.

“Një armatë e madhe po i drejtohet Iranit, më e madhe se ajo e Venezuelës,” shkroi Trump.

Ndaj kërcënimit të shefit të Shtëpisë së Bardhë reagoi misioni i Iranit pranë Kombeve të Bashkuara, që shkroi në rrjetin X se: “Irani është gati për dialog, por do të kundërpërgjigjet si kurrë më parë për të mbrojtur veten.”

Teksa aeroplanmbajtësja amerikane Abraham Lincoln dhe anijet mbështetëse kanë mbërritur në Lindjen e Mesme, ato nuk janë ende në pozicionin përfundimtar, por brenda rrezes së goditjes së Iranit.

Lëvizjet e fundit janë të ngjashme me ato të qershorit të vitit të kaluar, kur avionët amerikanë i erdhën në ndihmë Izraelit për të goditur sitet bërthamore dhe raketore të Iranit.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/