Abc News zbardh deshmine e vellait te Jan Prenges | ABC News Albania

Описание: Ndrek Prenga, vellai i Jan Prenges, ka komunikuar ne telefon disa here me nje person të quajtur “Gramozi nga Vlora”. Këtë e ka dëshmuar para prokurorëve te çështjes Anton Prenga, njëri nga djemtë e familjes Prenga. Në dëshminë e tij, te siguruar nga Abc News Anton Prenga, tregon se gjithë komunikimet i ka mësuar nga dy vëllezerit e tij Astriti dhe Ndreka, që ndodhen në burg në Angli. Sipas dëshmisë së Antonit, bisedat dhe kërcenimet mes palëve kishin nisur që para rrëmbimit të Jan Prenges.
Gramozi i ka thënë Ndrekës se sasia prej 260 kilogram kokainë ishte e tija dhe disa personave të tjerë. Pas disa ditëshAstriti dhe Gezim Shullani kanë folur sërish me Gentian Doçin që u ka thënë : “nuk kam më punë unë me këtë punë”. Disa ditë pas këtyre komunikimeve ka ndodhur edhe rrëmbimi i vëllait tim, Jan Prenga.
Anton Prenga ka rrefyer para grupit hetimor edhe bisedat që kane zhvilluar dy vëllezërit e tij me Gentian Docin dhe Gramozin nga Vlora.
Në datën 18 janar 2019, një ditë pas rrëmbimit të vëllait unë jam kthyer në Shqipëri, për tu interesuar për vëllain tim që më ishte marrë peng Jan Prenga. Pas rrëmbimit të vëllait ka hyrë në kontakte sërisht Gramozi, i cili ka komunikuar me Ndrekën të cilit i ka pohuar: ”…unë e di se si janë gjërat, por unë ju jap besën, ktheni pjesën tuaj ju, pra vëllai juaj Astriti së bashku me Gëzim Shullanin, dhe pengu do lirohet …”.
Astrit Prenga dhe Gezim Shullani kanë kthyer sasinë e tyre të drogës së bashku me 700 mijë paund, pjesën që u takonte nga ajo që kishin shitur. Në datën 22 janar, sipas dëshmisë, Gramozi u ka thënë se do të bënin lirimin e pengut për dy tre orë.
Kemi pritur 2-3 orë dhe vëllai s’po lirohej. Më pas Ndreka është lidhur sërisht me Gramozin dhe ai i ka thënë se me njërin prej tyre kishte kontaktuar, ndërsa me një tjetër nuk kishte kontaktuar ende, pasi ai kishte pirë mall dhe pa i dalë malli nuk kontaktojmë dot. Gramozi, gjithashtu i ka thënë vëllait mos të shqetësohej se vëllai ishte shëndoshë e mirë dhe do të lirohet. Pasi ka kaluar kohë dhe vëllai s’po lirohej, Ndreka ka kontaktuar sërish me telefon me Gramozin dhe në këtë moment Gramozi, i ka thënë: më kanë lëvizur nga fjala ata personat, unë të detyrohem të të jap emrat e tyre. Ata quhen Gentjan Doçi, Gentjan Bleta dhe Korado Doda.
Në pamjet e kamerave të sigurisë, të vendosura në bodrumin e resortit “Golden” në Shijak, foto nga të cilat disponohen nga Abc Neës, shfaqen disa nga personat që tashmë janë të arrestuar për këtë çështje. Ata e fusin trupin e Jan Prengës, ne furgonin e bardhë dhe më pas pastrojnë garazhin e ndërrojnë rrobat që të zhdukin gjurmët. Në njërën nga fotot e siguruara nga Abc News dallohen qeset e zeza, ku janë futur rrobat e ndotura të përdorura gjatë krimit. Gjykata e Tiranës ka caktuar masën e sigurisë arrest në burg në mungesë për Gentian Docin, Korado Gezhtenjen, Martin Bleten, Dritan alias Gramoz Rrexhepin të dyshuar për veprën penale rrëmbim ose mbajtje peng të personit të kryer në bashkepunim dhe trafikim i lendeve narkotike ne bashkepunim. “Arrest ne burg në mungese është caktuar edhe për Altin hajrin, Artan docaj, Ardian Docaj dhe Aldo Majnishten, të akuzuar për “rrëmbim ose mbajtje peng të personit” mbajtje pa lejet të armeve shperthyese dhe municioneve dhe fshehje dhe asgjesim kufome”. Ne qeli per kete ceshtje jane edhe 5 persona Bajram Hajri, Leonard Hajri, Elton Hajri, Olsi Turja dhe Festim Bexhdili