မန်းသံပုရာကန်ရေနံချက်စက်ရုံနဲ့ ကပစ၂ကို NUGရဲ့ အထူးတပ်ဖွဲ့က ​ရှော့တိုက်ဒုံးနဲ့ တိုက်ခိုက်ခဲ့

Описание: 28 FEBRUARY 2026

မကွေးတိုင်း၊အထက်မင်းလှမြို့နယ်ရှိ မန်းသံပုရာကန်ရေနံချက်စက်ရုံ နဲ့ အမှတ် ၂ ကာကွယ်ရေးပစ္စည်းစက်ရုံ (ကပစ ၂)ကို ​ရှော့တိုက်ဒုံးနဲ့ တိုက်ခိုက်ခဲ့တယ်လို့ အမျိုးသားညီညွတ်ရေးအစိုးရ အကြမ်းဖက်တိုက်ဖျက်ရေးအထူးတပ်ဖွဲ့(SOS)က ဒီက​နေ့ ထုတ်ပြန်ထားပါတယ်။

မ​နေ့က မနက်အ​စောပိုင်း ၁နာရီခန့်မှာ သွား​ရောက်တိုက်ခိုက်ခဲ့တာ ဖြစ်တယ်လို့ ​ဖော်ပြထားပါတယ်။

အဲ့ဒီ ​နေရာ ၂ ခုလုံးကို ၁၀၇ မမ ​ရှော့တိုက်ဒုံး​ ၄ လုံးနဲ့ နဲ့ တိုက်ခိုက်ခဲ့တာဖြစ်ပါတယ်။

အဲ့ဒီ ​ရှော့တိုက်ဒုံး​​တွေက ​ရေနံချက် စက်ရုံဝင်းထဲကို သုံးလုံးကျရောက် ​ပေါက်ကွဲခဲ့ပါတယ်။

စက်ရုံဝင်းထဲက ဝန်ထမ်းလိုင်းခန်းနဲ့ စက်ရုံ ပတ်ဝန်းကျင်မှာ ပျက်စီးမှုရှိခဲ့တယ်လို့ သိရပါတယ်။

ဒါ့အပြင် ကပစ ၂ ထဲမှာလည်း ရှော့တိုက်ဒုံးတစ်လုံး ကျ​ရောက်ပေါက်ကွဲဲပြီး ထိခိုက်ပျက်စီးမှုတွေ ရှိခဲ့တယ်လို့ SOS က ထုတ်ပြန်ထားပါတယ်။

စစ်တပ်ဘက်က ထိခိုက်မှု အ​ခြေအ​နေများကို​တော့ ဆက်လက်စုံစမ်း​နေတယ်လို့ SOS က ​ဖော်ပြထားတာပါ။

ဒီတိုက်ခိုက်မှုကို အမျိုးသားညီညွတ်ရေးအစိုးရ အကြမ်းဖက်တိုက်ဖျက်ရေးအထူးတပ်ဖွဲ့(SOS) နဲ့အတူ မ​​ကွေးတိုင်း ပကဖ အဖွဲ့မှ ရဲ​ဘော်များက ပူး​ပေါင်း​ဆောင်ရွက်ခဲ့ပါတယ်။

​ရေနံချက် စက်ရုံနဲ့ ကပစ ၂ တို့ကို တိုက်ခိုက်ရတာက စစ်တပ်အတွက် ​ဓါတ်ဆီထုတ်လုပ်တာ​တွေနဲ့ စစ်လက်နက်ထုတ်လှုပ်မှု​တွေ ရပ်ဆိုင်းသွားဖို့ အတွက် ဖြစ်တယ်လို့ SOS က ​ဖော်ပြထားပါတယ်။

ဒါ့အပြင် လတ်တ​လော စစ်တပ် စစ်​ကြောင်းက သရက်ခရိုင်ထဲကို ထိုးစစ်ဆင်လာတဲ့အတွက် PDF များနဲ့ မကြာခဏ ထိ​တွေ့တိုက်ပွဲ ဖြစ်ပွားခဲ့ပါတယ်။

ရွာ​တွေကို မီးရှို့တာ​တွေအပြင် လက်နက်ကြီး​တွေနဲ့ပါ ပစ်ခတ်တာ​တွေ ပြုလုပ်​နေတဲ့အတွက် ပြည်သူ​တွေ စစ်​ဘေး​ရှောင်ထွက်​ပြေး​နေကြရပါတယ်။

ဒါ့အပြင် ပြည်သူများအ​နေနဲ့လည်း စစ်သားများ နဲ့ နီးကပ်တဲ့​နေရာ​တွေမှာ ​နေထိုင်သွားလာတာ​တွေမပြုဖို့ မ​ကွေးတိုင်း ပကဖ က သတိပေးထားပါတယ်ရှင်။

ရုပ်သံ- SOS

#whatishappeninginmyanmar
#mnonews #pdf

MNO NEWS Youtube Channel ကို Subscribe လုပ်ခြင်းဖြင့် အချိန်နှင့်တစ်ပြေးညီ သတင်းများကို ကြည့်ရှုနိုင်ပါသည်။
အောက်ပါ့လင့်များမှလည်း သတင်းများ ကြည့်ရှုနိုင်ပါသည်။

Website- www.mnonews.com

Facebook-   / 1amgqiqdtk  

Youtube-   / @mno-news  

Telegram- https://t.me/MNONews8