شيلة " رام المراجل " - مهداه الى عادي بن حسين بن عادي | كلمات: خلف المحدى | اداء: خالد آل بريك
Автор: 72s1
Загружено: 2024-01-29
Просмотров: 6275
Описание:
الله يبيض بالحفر وجه عادي
ويبعد عَنه شر الليالي والأتراح
لعلّ وجهه مايجيه السوادِي
وافَ الكلام الي له السر ينباح
لاجيت له تلقاه ماهو دوادي
يقضي اللزوم وللمواجيب نطّاح
مثل نعم عادي بفعله يشادي
بين الرجال اهل المكارم والاصلاح
عادي نعم عادي بعيد المعادي
لاقام لك عنك الهواجيس تنزاح
من راس ابوه الي ركب بالشدادي
حسين للعليا لبس تاج ووشاح
وش قال سحلي فيه كرم الايادي
والشعر له فعل والرجاجيل مفتاح
غنّا به العواي والشعر قادي
وحسين يستاهل من الشعر الأمداح
وصحن يقول ولا اقوله ملادي
فرايده لا قالهن نظم مسباح
ديوان بيته مثل سوق أبغدادي
طيبه يسولف به مع الناس لو راح
زبن الدخيل الي تحداه حادي
طيبه فعل ماهو بالاقوال بجاح
حسين مدحه ماعليه انتقادي
لاعرض مجاله نعّموا له بالأفصاح
رام المراجل واعتمدها اعتمادي
ضحى وحاش النعم في صبر وكفاح
عادي لمجد حسين للمجد زادي
يوم الردي لأمجاد الأجداد مسّاح
عادي نعم فعله يغيض السّرادي
عسى فداه من الرجاجيل الاشحاح
لاقال يفعل عز من جاه بادي
وأليا وعد يافي نعم وجه الإفلاح
يستاهل التمجيد حر الهدادي
والي زعل يسعى لنفسه بالأصلاح
من روس قومً يقحمون الطرادي
يوم انها سابق هلاهيل واصياح
افعالهم يوم السبايا تقادي
على النقاء يوم انها شِلف وأرماح
لا لآمس السباب راس الزنادي
دخيلهم يآمن معاهم ويرتاح
ضرباتهم تدمي صفوف الأعادي
من فعلهم بالكون كم فارس طاح
حمر النواظر نعم سقم المعادي
مطير يوم الكون يهدون الأرواح
Повторяем попытку...
Доступные форматы для скачивания:
Скачать видео
-
Информация по загрузке:
