Andijon davlat universitetiga o'qishga marxamat!

Описание: Xush kelibsiz hurmatli abituriyentlar! Qabul - 2019!
Biz ADUda eng qobiliyatli va aqlli, munosib va o'ziga ishongan talabalarni kutamiz!
Andijon davlat universitetiga 1931-yilda asos solingan. O’zbekiston Respublikasi Prezidentining 1992-yil 28-fevraldagi “Respublikaning yangi oliy o’quv yurtlarini tashkil qilish to’g’risidagi” PF-356-sonli Farmoniga asosan 1992-yil 15-martda Andijon davlat pedagogika instituti negizida Andijon davlat universiteti tashkil etildi.
Andijon davlat universiteti Andijon shahri Universitet ko’chasi 129 uyda joylashgan.
Hozirgi vaqtda Universitet tuzilmasida 9 ta fakultet, 33 ta kafedra faoliyat yuritmoqda.
Universitet faoliyati 18 ta bo’lim: o’quv-uslubiy, magistratura, sirtqi, yoshlar bilan ishlash, ma’naviyat va ma’rifat, ilmiy-tadqiqotlar, innovatsiyalar va ilmiy pedagogik kadrlar tayyorlash, iqtidorli talabalarning ilmiy-tadqiqot faoliyatini tashkil etish, ilmiy-innovatsion ishlanmalarni tijoratlashtirish, reja-moliya, xalqaro hamkorlik, marketing, ta’lim sifatini nazorat qilish, monitoring va ichki nazorat va boshqalar orqali amalga oshirilmoqda. Universitetda ko’plab o’quv-ilmiy laboratoriyalari va markazlar faoliyat yuritmoqda.
Bizning universitetimiz juda yaxshi kasbiy yo’nalishga ega bo’lib, o'z bitiruvchilarini O'zbekiston, Rossiya va dunyoning eng yaxshi kompaniyalarida ishga joylashish imkoniyatini beradi.
ADUda amaliy fanlar bo'yicha mashg'ulotlar o'tkazish, shuningdek, akademik karyerani rivojlantirish imkoniyati mavjud. Bizning universitetda doimiy ravishda ilmiy dasturlar yangilab boriladi. Universitet o’z talabalariga ishlab chiqarish, pedagogik va diplom oldi amaliyotlarini mamlakatning eng yaxshi ishlab chiqarish korxonalari va ta’lim muassasalarida o’tash uchun sharoitlar yaratadi. Bizda turli stipendiya dasturlari va iqtidorli yoshlarni qo’llash dasturlari amal qiladi.
Professor-o’qituvchilarning umumiy soni 686 ta. Shundan, akademiklar 1 nafar, fan doktori, professorlar 44 nafar; fan nomzodi, PhD, dotsentlar 167 nafar.
Andijon davlat universitetda 10 000 ga yaqin talabalar (O’zbekistonning 12 ta viloyati va MDH mamlakatlaridan) jumladan, 7234 nafar kunduzgi, 562 nafar sirtqi, 2177 nafar maxsus-sirtqi ta’lim shaklida tahsil oladi.
30 ta bakalavriat ta’lim yo’nalishlarida hamda 18 ta magistratura mutaxassisliklari bo’yicha kadrlar tayyorlanadi.
30 ta ixtisoslik bo’yicha tayanch doktorantura, 2 ta ixtisoslik bo’yicha doktorantura ochilgan.
O’qish muddati:
Bakalavriatura: kunduzgi – 4 yil, sirtqi – 5 yil, maxsus sirtqi – 3 yil;
Magistratura – 2 yil;
Tayanch doktorantura va doktorantura – 3 yil.
Batafsil ma’lumotlar bilan quyidagi saytda tanishishingiz mumkin: https://adu.uz/
Sizga omad tilaymiz!😉
Hurmat bilan, Andijon davlat universiteti matbuot kotibi – Hoshimjonov Sharofiddin.