Tavë me speca të mbushur dhe biskota me gjalpë - Jeta në Fshat - Albanian Vilage Life

Описание: Përshëndetje Miq!
Në këtë video do t'ju tregojmë Tavë me speca të mbushur dhe biskota me gjalpë / Farm to table: Stuffed Peppers

Speca të mbushur
Përbërësit:
Speca
Qepë
Domate
Oriz
Vaj
Kripë

Përgatitja:
Fillimisht specave që do të mbushim u presim bishtin por jo deri në fund dheme majën e thikës i heqim farën. Specat që do të mbushim i skuqim . Pasi i kemi skuqur i vendosim në tavën që do ti pjekim.
Ndërkohë në një tenxhere skuqim mirë qepën, shtojmë specat, skuqim mirë dhe më pas i shtojmë domatet të cilave jua kemi hequr lëkurën. Pasi gjella zien pak me domatet shtojmë ujë dhe kur uji mer valë shtojmë orizin. E lëmë të ziejë. Kur gjella për mbushje pothuajse ka zierë e heqim nga zjarri dhe mbushim specat. E pjekim në furrë derisa shikojmë që tava me speca të mbushur është pjekur mirë.
Ju bëftë mirë!

Biskota me gjalpë
Përbërësit:
200 gr gjalpë
200 gr sheqer
2 vezë
400 gr miell
1 lugë kafe maja për embëlsira
2 lugë kafeje vanilje

Përgatitja:
Gjalpin të cilin e kemi ngrohur pak, e hedhim në një enë, shtojmë sheqerin dhe i përziejmë mirë. Shtojmë vezët, përziejmë mirë dhe më pas shtojmë vaniljen. Në fund shtojmë miellin dhe majanë. Përziejmë mirë. Brumin e biskotave e lëmë të pushojë për rreth 20 minuta.
Më pas e hapim me okllai, dhe bëjmë biskotat me format që dëshirojmë. I pjekim në furrë të parangrohur në 180 gradë derisa afërsisht përreth 8-10 minuta.
Ju bëftë mirë!

Nse ju pëlqeu video mos harroni të klikoni Like, Share dhe të Komentoni. Klikoni SUBSCRIBE ‪@everythingaboutvillage‬ për më shumë video rreth jetës në fshat, natyrës së fshatit, gatimeve të fshatit dhe punët e ndryshme që realizohen në fshat.
Faleminderit.