ល្ខោនខោល វត្តស្វាយអណ្តែត 2019

Описание: ល្ខោនខោលវត្តស្វាយអណ្តែត ល្ខោនខោល
គណៈកម្មការអន្តររដ្ឋាភិបាលនៃ អង្គការយូណេស្កូ បានអនុម័តសម្រេចយល់ព្រមចុះល្ខោនខោលវត្តស្វាយអណ្តែតនៃព្រះរាជាណាចក្រកកម្ពុជា ចូលក្នុង បញ្ជីបេតិកភណ្ឌវប្បធម៌អរូបីនៃមនុស្សជាតិ កាលពីថ្ងៃទី២៨ ខែវិច្ឆិកា ឆ្នាំ២០១៨ នៅទីក្រុងព័រល្វី សារធារណរដ្ឋម៉ូរីស ដែលមកទល់នឹងបច្ចុប្បន្ននេះ មានរយៈពេល4ឆ្នាំហើយៗបានបង្ហាញពីភាពអស្ចារ្យនៃវប្បធម៌កម្ពុជា។ ការដែលល្ខោនខោល ត្រូវបានពិភពលោកទទួលស្គាល់នេះ ធ្វើឱ្យលោកមានអារម្មណ៏រីករាយជាខ្លាំង ហើយវាជាមោទនភាព ដ៏ធំធេង ដែលល្ខោនខោលវត្តស្វាយអណ្តែតរបស់ជាតិយើង បានរួមចំណែកធ្វើឱ្យកេរ្តិ៍ឈ្មោះរបស់ប្រជាជាតិនៃ ព្រះរាជាណាចក្រកម្ពុជាល្បីរន្ទឺលើឆាកអន្តរជាតិ។ លោកបន្តទៀតថា ភាពជោគជ័យនេះ គឺបានកើតចេញពីការខិតខំប្រឹងប្រែង យកចិត្តទុកដាក់ និងពុះពារ ចូលរួមយ៉ាងសកម្មរបស់រាជរដ្ឋាភិបាលកម្ពុជា ក្រោមការដឹកនាំរបស់ក្រសួងវប្បធម៌និងវិចិត្រសិល្បៈ ដោយមានកិច្ចសហការគាំទ្រយ៉ាងផុលផុសពីសិល្បករ អង្គការសមាគម សង្គមស៊ីវិល ក្នុងវិស័យសិល្បៈវប្បធម៌ និងការជួយគាំទ្រលើកទឹកចិត្ត ពីមហាជនប្រជាជនថែមទៀតផង។
សូមបញ្ជាក់ថា កម្ពុជាមានសម្បត្តិបេតិកភណ្ឌពិភពលោក ទាំងអស់ចំនួន៨ រួមមាន ៖ ប្រាសាទអង្គរវត្ត, របាំព្រះរាជទ្រព្យ, ល្ខោនស្រមោលស្បែក ឬ ល្ខោនស្បែកធំ, ប្រាសាទព្រះវិហារ ,ល្បែងទាញព្រ័ត្រ , ចាប៉ីដងវែង, ប្រាសាទសំបូរព្រៃគុក និង ល្ខោនខោលវត្តស្វាយអណ្ដែត ។