Kuxjenza 18.04.24

Описание: Kuxjenza bi stejjer ta' adulti li meta kienu tfal ġew iffosterjati minn ġenituri li ħabbewhom u tawhom ħajja ferm aħjar minn dik li sabu.
Fil-programm titkellem Ramona, illum ta' 19-il sena li meta kienet żgħira ma sabitx xorti fil-familja bioloġika tagħha. Ramona ġiet iffosterjata minn koppja
Maltija ta' ftit iktar minn sentejn, fejn tgħid li kienet xortiha tajba, għaliex din il-koppja tawha ħafna mħabba.
Fil-programm ukoll titkellem Romina Azzopardi li meta kienet żgħira spiċċat tgħix f'istitut tas-sorijiet għaliex kien miet missierha, u omma kellha sfidi biex trabbiha.
Tgħid li wara ftit żmien sabet koppja Maltija li rabbietha u li magħha għadha f'kuntatt sal-lum.
Titkellem ukoll Direttur tad-direttorat għall-kura alternattiva Remenda Grech li spjegat l-avvanzi li saru llum fil-fostering, fosthom dwar li familja li tiffosterja t-tfal
tista' tikseb il-permanenza tal-fostering, u anki tadotta lit-tfal li ffosterjat wara li tkun ilha trabbihom għal ħames snin.
Kuxjenza bi produzzjoni u preżentazzjoni tal-ġurnalista Maria Muscat. Jixxandar kull nhar ta' Ħamis fis-7pm fuq TVM News+ u b'repetizzjoni s-Sibt 5.15pm TVM News+.