Зиндагиномаи Бедил - Гуфтори 1 / Мирзо Абдулқодири Бедил / میرزا عبدالقادر بیدل
Автор: ТВ Таджикистан
Загружено: 2024-05-24
Просмотров: 3633
Описание:
Абдулмаъонӣ Мирзо Абдулқодири Бедил (1644-1720) аз бузургтарин ва машҳуртарин шоъирони форсизабони Ҳиндустон аст. Ў на танҳо дар ривоҷу равнақи адабиёти форсизабони ҷаҳон саҳми босазо дорад, балки дар адабиётҳои урдузабону паштузабон ва равандҳои адабии халқҳои туркзабон низ таъсир ва нуфузи зиёдеро боқӣ гузоштааст.
Бино бар маълумоти тазкираҳо, Бедил аз қавми барлоси муғул аст. Ватани гузаштагонаш Хоф ном мавзеъи Хуросон мебошад, ки дар наздикии шаҳри Нишопур воқеъ гардидааст. Ба қавли муаллифи тазкираи «Миръоти воридот» Муҳаммадшафеъ Вориди Теҳронӣ, силсилаи насаби Бедил ба охирин подшоҳи сулолаи Музаффариёни Форс шоҳ Мансур мерасад. Вақте ки амир Темур Форсро забт намуда, ба сулолаи Музаффариён хотима гузошт, гузаштагони Бедил ба Мовароуннаҳр омада, тахминан то асрҳои ХV-ХVІ дар ин сарзамин зиндагӣ карданд. Баъд онҳо ба ҷониби Ҳиндустон рўй оварда, дар кишвари Бангола сукунат ихтиёр намуданд.
Повторяем попытку...
Доступные форматы для скачивания:
Скачать видео
-
Информация по загрузке:
