Beed: घरगुती कामातून उद्योजिका बनण्यापर्यंतचा प्रवास | ४० लाखांची वार्षिक उलाढाल! | BaiManus

Описание: #beednews #MahilaBachatGat #successstory #womenempowerment #marathientrepreneur #ruraldevelopment #viral #trending #entrepreneur


बीड जिल्ह्यातील घाटनांदूर येथील महिलांनी जिद्द आणि मेहनतीच्या जोरावर आर्थिक क्रांती घडवून आणली आहे. 'उमेद' अभियानाच्या माध्यमातून स्थापन झालेल्या 'संत जनाबाई महिला स्वयंसहाय्यता बचत गटा'ने घरगुती पदार्थांच्या व्यवसायातून वार्षिक ४० लाख रुपयांची उलाढाल करत ग्रामीण महिलांसमोर स्वावलंबनाचा नवा आदर्श ठेवला आहे.

काही वर्षांपूर्वी घरगुती कामात व्यस्त असलेल्या या महिलांनी 'उमेद' (महाराष्ट्र राज्य ग्रामीण जीवनोन्नती अभियान) अंतर्गत एकत्र येण्याचा निर्णय घेतला. बँकेकडून अत्यंत कमी दरात कर्ज उपलब्ध करून घेऊन त्यांनी व्यवसायासाठी आवश्यक असणारी आधुनिक मशिनरी खरेदी केल्या. यामुळे घरगुती स्वरूपात चालणाऱ्या कामाला खऱ्या अर्थाने उद्योगाचे स्वरूप प्राप्त झाले. या बचत गटाने केवळ पारंपारिक पापडांवर समाधान न मानता ग्राहकांच्या आवडीनुसार उत्पादनांची मोठी श्रेणी तयार केली आहे. सध्या हा गट २१ प्रकारचे पदार्थ बनवतो, ज्यात वाळवण मधील बाजरी खारवडी, बटाटा चकली, गव्हाच्या शेवया, कुरवडया, पोहे पापड आणि तांदूळ पापड तसेच तीन प्रकारचे मिरचीचे लोणचे यात दही मिरची, आंब्याचे लोणचे, बारीक कारळ, काळी चटणी आणि झणझणीत लाल चटणी यांचा प्रामुख्याने समावेश आहे.

गुणवत्ता आणि चवीच्या जोरावर या महिलांनी बाजारपेठ काबीज केली आहे. त्यांचे पदार्थ केवळ स्थानिक बाजारातच नव्हे, तर छत्रपती संभाजीनगर, नांदेड, पुणे आणि देशाची राजधानी दिल्ली येथे मोठ्या प्रमाणात विकले जातात. विशेष म्हणजे, या ग्रामीण भागातील चव आता थेट अमेरिकेतील खवय्यांपर्यंत पोहोचली असून तिथेही या पदार्थांना मोठी मागणी आहे.

वार्षिक ४० लाखांची उलाढाल करणाऱ्या या गटामुळे गावातील अनेक महिलांना हक्काचा रोजगार मिळाला आहे. पूर्वी केवळ कुटुंबावर अवलंबून असणाऱ्या या महिला आज स्वतःच्या पायावर उभ्या राहिल्या असून, त्यांनी आपल्या कुटुंबाच्या प्रगतीत मोठा वाटा उचलला आहे.


Report By: Sukeshni Naikwade
Shoot: Sanjeeb Roy
Edit : Bhushan Ragde
Produced by Baimanus Media Research Foundation

अधिक माहितीसाठी आमच्या वेबसाईट आणि सोशल हॅंडल्सला नक्की भेट द्या :

Website : www.baimanus.in
Facebook :   / baimanus.in  
Instagram :   / baimanus.in  
Twitter :   / baimanusindia