ပျဥ်းမနားမှာ ပံ့သကူကောက်တဲ့ ကိုရင်တစ်ပါးနဲ့အမျိုးသားတစ်ဦး ဆိုင်ကယ်တိုက်ခံရ | People's Spring

Описание: ပျဥ်းမနားမှာ ပံ့သကူကောက်တဲ့ ကိုရင်တစ်ပါးနဲ့အမျိုးသားတစ်ဦး ဆိုင်ကယ်တိုက်ခံရ

နိုဝင်ဘာ-၅၊ ၂၀၂၅။ People's Spring

နေပြည်တော်မှာ တန်ဆောင်မုန်းလပြည့်နေ့ညက ပံ့သကူကောက်နေတဲ့ ကိုရင်တစ်ပါးနဲ့ အမျိုးသားတစ်ဦး ဆိုင်ကယ်တိုက်ခံရပြီး ဒဏ်ရာအပြင်း
အထန်ရရှိခဲ့တယ်လို့ သိရပါတ​ယ်။

နေပြည်တော်၊ပျဥ်းမနားမြို့၊လက်ပန်ခါးလှကျေးရွာက လမ်းပေါ်မှာ မနေ့ည ၈နာရီဝန်းကျင်ကဖြစ်ခဲ့တာပါ။ ကားပေါ်ကနေ ပိုက်ဆံကြဲသွားလို့ လိုက်ကောက်ကြသူတွေကို ဆိုင်ကယ်တစ်စီးက ဝင်တိုက်မိတာလို့ သိရပါတယ်။

အတိုက်ခံရတဲ့ ကိုရင်တစ်ပါးနဲ့အမျိုးသားကိုပျဥ်းမနားမြို့ ကုတင် ၂၀၀ ပြည်သူ့ဆေးရုံကို ပို့ဆောင်ပေးလိုက်တယ်လို့ မိုးစေတနာပရဟိတအသင်းက အသိပေးထားပါတယ်။

အတိုက်ခံရသူ နှစ်ဦးစလုံး ဒဏ်ရာပြင်းထန်တယ်လို့ ဒေသခံတစ်ဦးက ပြောပါတယ်။

ထုတ်ပြန်ထားတဲ့ ဓာတ်ပုံတွေအရ ကိုရင်လေးက နဖူးမှာ ပေါက်ပြဲဒဏ်ရာရရှိထားပြီး အမျိုးသားကိုတော့ လူနာကုတင်ပေါ်တင်ပြီး ခေါ်ဆောင်သွားတာတွေ့ရပါတယ်။

တန်ဆောင်မုန်းလပြည့်နေ့မှာ မြို့နယ်တိုင်းရဲ့ လမ်းမတွေပေါ်မှာကားတွေပေါ်ကနေ ပိုက်ဆံကြဲချတာကို ကောက်တဲ့ ပံ့သကူကောက်တဲ့သူတွေရှိပြီး ​​ အန္တရာယ်များတယ်လို့ သတိပေးသူတွေရှိပေမယ့် ဆက်လက်လုပ်ဆောင်နေကြတာပါ။

ပံ့သကူပစ်တာနဲ့ ကောက်တာအပြင် အခုလို အခါ
ကြီးရက်ကြီးညမှာ ဆင်ဆင်ခြင်ခြင် ပျော်ပါးကြဖို့လည်းလူမှုရေးအဖွဲ့တွေက တိုက်တွန်းထားပါတယ်။

နေပြည်တော်အပြင် ရန်ကုန်၊ မန္တလေးနဲ့ မြိုကြီးတွေက အဝေးပြေးလမ်းတွေနဲ့ မြို့တွင်းလမ်းတွေပေါ်မှာ တန်ဆောင်မုန်းလပြည့်နေ့ညဆိုပြီး ကားတွေပေါ်က​နေ ‌ပိုက်ဆံပစ်ချကြလို့ လိုက်ကောက်ကြတဲ့သူတချို့ ထိခိုက်သေဆုံးမှုတွေနှစ်စဉ်ရှိနေပါတယ်။ ပံ့သကူပစ်တယ်ဆိုပြီးပိုက်ဆံတွေကို စည်းကမ်းမဲ့ မကြဲကြဖို့ လူမှုကူညီရေးအဖွဲ့တွေက မေတ္တာရပ်ခံထားကြပါတယ်။

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

  / subscribe  
𝗬𝗼𝘂𝗧𝘂𝗯𝗲 -    / @peoplespring  
𝗙𝗮𝗰𝗲𝗯𝗼𝗼𝗸 -   / ludunwayoo  
𝗪𝗲𝗯𝘀𝗶𝘁𝗲 - https://www.ludunwayoo.com/
𝗧𝗲𝗹𝗲𝗴𝗿𝗮𝗺 - https://t.me/peoplespring

#ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA