ස්වාක්ඛාතාදි සවැදෑරුම් දහම් ගුණ

Описание: ස්වාක්ඛාතාදි සවැදෑරුම් දහම් ගුණ 

‘ස්වාක්ඛාතෝ’ යන්නෙහි වචනාර්ථය මැනවින් ප්‍රකාශිත යන්න බව. 

වැරදි ලෙස ප්‍රකාශිත දහමක් ප්‍රගුණ කිරීමෙන් වෙහෙසට පත් වීම විනා අන් කිසි දු ප්‍රයෝජනයක් නොලැබෙන බව. (අචේල සූත්‍රය- ස.නි.) 

ස්වාක්ඛාත ධර්මයෙහි වීර්යාරම්භය ප්‍රතිඵලදායක බව. 

‘සන්දිට්ඨික’ යනු ඇස් පනාපිට ම තමාට ම දැන දැක ප්‍රතිඵල උදා කර ගත හැකි දහමක් යන්න බව. (දුතිය සන්දිට්ඨික සූත්‍රය- අං. නි.) 

“අකාලික” යනු නිවැරදි ව පිළිපැදීමෙන් කල් නොයවා ඕනෑ ම කාලයක දී ප්‍රතිඵල අත්දැකිය හැකි දහමක් බව. (සම්බහුල සූත්‍රය, සං.නි. ) 

‘ඒහි’ යනු එන්න යන අර්ථය ද ‘පස්සික’ යනු බලව යන අර්ථය ද ගෙන දෙන අතර, 

‘ඒහිපස්සික’ යන්නෙන් අන්ධ භක්තියෙන් නොපිළිගෙන පරීක්ෂා කර බලා පිළිගැනීමට 
පොලඹවන අර්ථවත් දහමක් කියැවෙන බව. (අචේල සූත්‍රය-සං. නි.) 

‘ඕපනයික’ යන්නෙන් සමීපයට පමුණුවන්නේ ය යන වචනාර්ථය ගෙන දෙන අතර 

(උපනය) තමාගේ සිතට ම පමුණුවාගෙන අත්දැකිය යුතු දහමකැයි ඉන් කියවෙන බව. 
(දුතිය ගද්දුලබද්ධ සූත්‍රය- සං.නි.) 

‘පච්චත්තං වේදිතබ්බෝ විඤ්ඤූහි’ යන්නෙන් නුවණැත්තන් විසින් තම තමන් වෙන් වෙන් වශයෙන් සිට අවබෝධ කළ යුතු දහමකැයි පැවසෙන බව. (ධම්මපද - මග්ගවග්ග 2-3 ගාථා) 

බුදුදහමේ සුවිශේෂ ප්‍රධාන ගුණ හය මෙම පාඨයෙන් ප්‍රකාශිත බව.