Top Channel/ Grabiti kambistin në Durrës, prokuroria ndryshon akuzën ndaj të arrestuarit

Описание: Prokuroria e Durrësit ndryshon akuzën ndaj të arrestuarit të vetëm për grabitjen e kambistit në Durrës, ndërsa gjykata vendos hetimin e tij në gjendje të lirë.

Sot, u zhvillua në gjykatën e Durrësit seanca për vleftësimin dhe caktimin e masës së sigurisë ndaj drejtuesit të automjetit që u përdor për grabitjen e kambistit të tregut të lirë valutor. Tre ditë më parë policia e Durrësit arrestoi 63-vjeçarin Vladimir Rusi si bashkëpunëtor i grabitësit kryesor, ende i paidentifikuar nga policia, ndërsa sekuestroi edhe automjetin e përdorur për vjedhjen me dhunë të 58-vjeçarit.

Gjatë seancës, organi i akuzës ka deklaruar se nga hetimet e kryera deri në këtë fazë rezulton se i arrestuari i policisë nuk ka qenë bashkëpunëtor në krim, po duhet të përgjigjet për veprën penale “Moskallëzim krimi”. Rusi është marrë si taksist nga autori i grabitjes që nën kërcënimin e një thike i ka marrë mbi 1 milion lekë kambistit Skënder Hasani në Durrës. Akuza kërkoi detyrim paraqitjeje për taksistin dhe gjykata vendosi pikërisht

Grabitja ndodhi mesditën e së dielës te tregu i lirë valutor, pranë filialit të postës shqiptare në Durrës. Autori, një burrë rreth 35 vjeç i është afruar kambistit dhe i ka kërkuar të futet në automjet pasi donte të shkëmbente rreth 10 mijë euro. Më pas i ka kërkuar shoferit, të cilin e kishte marrë si taksi, të lëviznin në një vend tjetër për të mos rënë në sy. Automjeti ka lëvizur drejt Katund Sukthit ku nën kërcënimin e thikës të vendosur në gjoks, kambistit 58-vjeçar nga Durrësi i është vjedhur çanta me para në vlerën e mbi 1 milion lekëve të rinj.

Pasi i ka marrë paratë, autori e ka hedhur jashtë mjetit në ecje kambistin pikërisht në Katund Sukth dhe është larguar. Menjëherë i grabituri ka njoftuar policinë për ngjarjen që çoi në pranga taksistin, ndërsa punohet për identifikimin e autorit të grabitjes.

Të dy, dhe kambisti dhe taksisti e ushtronin aktivitetin e tyre pa licencën përkatëse.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Durres#Prokuroria#TopChannelNews