ព្រះមហាក្សត្រមានជំនឿមុតមាំថារាជរដ្ឋាភិបាលអាណត្តិថ្មីបន្តជំរុញកំណើនសេដ្ឋកិច្ចលើកកម្ពស់ជីវភាពប្រជាជន

Описание: (ភ្នំពេញ)៖ ព្រះករុណា ព្រះបាទសម្ដេចព្រះបរមនាថ នរោត្តមសីហមុនី ព្រះមហាក្សត្រ នៃព្រះរាជាណាចក្រកម្ពុជាមានជំនឿមុតមាំថា រាជរដ្ឋាភិបាលអាណត្តិថ្មី នឹងបំពេញភារកិច្ចតាមគោលនយោបាយ បន្តជំរុញកំណើនសេដ្ឋកិច្ច លើកកម្ពស់កម្រិត ជីវភាពប្រជាពលរដ្ឋ បន្តអភិវឌ្ឍ និងពង្រឹងប្រព័ន្ធការពារសង្គម។ ព្រះរាជបន្ទូលរបស់ព្រះករុណា ជាអង្គម្ចាស់ជីវិតតម្កល់លើត្បូង ធ្វើឡើងនៅក្នុង
ឱកាសបើកសម័យប្រជុំដំបូង នៃរដ្ឋសភានីតិកាលទី៧ ថ្ងៃទី២១ ខែសីហា២០២៣។
សម័យប្រជុំដំបូង នៃរដ្ឋសភានីតិកាលទី៧ ត្រូវ បានប្រារព្ធបើកជាផ្លូវការ ក្រោមព្រះរាជាធិបតីភាពដ៏ខ្ពង់ខ្ពស់បំផុតព្រះករុណា ព្រះបាទសម្ដេចព្រះបរមនាថ នរោត្តមសីហមុនី ព្រះមហាក្សត្រ នៃព្រះរាជាណាចក្រកម្ពុជា ដោយមានសមាជិកសភាជាប់ឆ្នោត១២៥រូប មកពីគណបក្សប្រជាជនកម្ពុជា ១២០រូប និងគណបក្សហ្វ៊ិនស៊ិនប៉ិច៥រូប។ ព្រះករុណា ព្រះបាទសម្ដេចព្រះបរម នាថ នរោត្តមសីហមុនី ព្រះមហាក្សត្រ នៃព្រះរាជាណា ចក្រកម្ពុជា មានព្រះរាជបន្ទូលថា តំណាងរាស្ត្រក្នុងរដ្ឋសភា ជាតំណាងប្រជាជាតិខ្មែរទាំងមូល ធ្វើយ៉ាងណាខិតខំប្រឹង ប្រែងបន្ថែមទៀតជួយប្រជាពលរដ្ឋឲ្យរស់នៅបានស្មើភាពគ្នាក្នុងជំនឿសាសនា ការសិក្សារៀន សូត្រ ការមានការងារធ្វើសមរម្យទៅតាមកម្លាំងសមត្ថភាព និងកម្រិតវិជ្ជារបស់ខ្លួន។ ច្បាប់ទាំងឡាយដែលរដ្ឋសភាបានអនុម័ត គឺជាឧបករណ៍គតិយុត្តិសម្រាប់រាជរដ្ឋាភិបាល អនុវត្ត និងលើកកម្ពស់នីតិរដ្ឋ សំដៅឲ្យប្រទេស មានក្របខ័ណ្ឌច្បាប់គ្រប់គ្រាន់ និងល្អ ស្របតាមការវិវឌ្ឍរីកចំរើនរបស់សង្គមជាតិ។ ព្រះករុណាព្រះមហាក្សត្រ មានព្រះរាជបន្ទូលថា រដ្ឋសភា ដែលជាអង្គការមានអំណាចនីតិប្បញ្ញត្តិ នឹងបន្តបំពេញភារកិច្ចរបស់ខ្លួនដូចមាន កំណត់ក្នុងរដ្ឋធម្មនុញ្ញ និងច្បាប់ជាធរមាន ដើម្បីបន្តនិរន្តរភាពនយោបាយ សេដ្ឋកិច្ចសង្គម វប្បធម៌ កសាងព្រះរាជាណាចក្រកម្ពុជា ជារដ្ឋដ៏រឹងមាំ និងជឿនលឿន ដោយផ្អែកលើច្បាប់ ធានាការអនុវត្តច្បាប់ដោយស្មើភាពសម្រាប់ប្រជាពលរដ្ឋគ្រប់រូប និងធានាការពារលើក ស្ទួយ សិទ្ធិសេរីភាពគ្រប់បែបយ៉ាងរបស់ប្រជាពលរដ្ឋ។

ផ្តល់ព័ត៌មានឬទំនាក់ទំនងតាមរយៈលេខទូរស័ព្ទតេឡេក្រាម 070 205 090 / 012 932 288
Link Page facebook:   / mekongpost90  
Link youtube: https://www.youtube.com/@mekongpostne...
Link Telegram: https://t.me/Kimpanha070205090
ទីតាំងស្នាក់ការកណ្តាលបុរីហេងមានជ័យ សង្កាត់និរោធ ខណ្ឌច្បារអំពៅ រាជធានីភ្នំពេញ