အမေစုနဲ့ဦးထင်ကျော်တို့ရဲ့ ဖမ်းဝရမ်းအပေါ် တရားမျှတမှုရှာဖွေဖော်ထုတ်ရေးကော်မတီ NLD ဖွဲ့စည်းမည်
Автор: Independent Memories Media
Загружено: 2025-02-27
Просмотров: 55
Описание:
ဒေါ်အောင်ဆန်းစုကြည်နဲ့ ဦးထင်ကျော်တို့ရဲ့ ဖမ်းဝရမ်းအပေါ် တရားမျှတမှု ရှာဖွေဖော်ထုတ်ရေးကော်မတီ NLD ဖွဲ့စည်းမည်
၂၇၊ ဖေဖော်ဝါရီ၊ ၂၀၂၅
အာဂျင်တီးနားတရားရုံးက ဖမ်းဝရမ်းထုတ်ခဲ့တဲ့ စာရင်းထဲမှာ အရပ်သားခေါင်းဆောင်နှစ်ဦးဖြစ်တဲ့ ဒေါ်အောင်ဆန်းစုကြည်နဲ့ ဦးထင်ကျော်တို့ကို ဖယ်ရှားနိုင်ရေးအတွက် "တရားမျှတမှုရှာဖွေဖော်ထုတ်ရေးကော်မတီ (Justice Seeking Committee for Daw Aung San Suu Kyi and U Htin Kyaw)" ကို ဖွဲ့စည်းဆောင်ရွက်သွားမယ်လို့ အမျိုးသားဒီမိုကရေစီအဖွဲ့ချုပ် (NLD) ဗဟိုအလုပ်ကော်မတီက ယနေ့ ဖေဖော်ဝါရီ ၂၇ ရက်နေ့မှာ ထုတ်ပြန်ပါတယ်။
NLD ဗဟိုအလုပ်ကော်မတီထုတ်ပြန်ချက်အရ ကော်မတီဖွဲ့စည်းနိုင်ဖို့အတွက် ရည်ရွယ်ချက်တူတဲ့ လူပုဂ္ဂိုလ်၊ အဖွဲ့အစည်းတွေအားလုံးနဲ့ ပူးပေါင်းဆောင်ရွက်သွားမယ်လို့ ဖော်ပြပါတယ်။
၂၀၁၇ ခုနှစ်က ရခိုင်ပြည်နယ်မြောက်ပိုင်းမှာရှိတဲ့ ရိုဟင်ဂျာလူမျိုးတွေအပေါ် ကျူးလွန်ခဲ့တဲ့ ရာဇသတ်ကြီးမှုတွေနဲ့ ပတ်သတ်ပြီး အာဂျင်တီးနားတရားရုံးက ဖေဖော်ဝါရီ ၁၃ ရက်နေ့မှာ မြန်မာစစ်ခေါင်းဆောင် မင်းအောင်လှိုင်အပါအဝင် စစ်တပ်အရာရှိ ၂၂ ဦး၊ အရပ်သားခေါင်းဆောင် ၃ ဦး (သမ္မတဟောင်း ဦးထင်ကျော်၊ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ အခြားတစ်ဦး) စုစုပေါင်း ၂၅ ဦးကို ဖမ်းဝရမ်းထုတ်ခဲ့တာ ဖြစ်ပါတယ်။
ဒေါ်အောင်ဆန်းစုကြည်နဲ့ ဦးထင်ကျော်တို့ကို စစ်တပ်ရဲ့ စနစ်တကျ ကျူးလွန်ခဲ့တဲ့အမှုတွေမှာ တာဝန်ရှိသူတွေ ဖြစ်တယ်လို့ သတ်မှတ်စွပ်စွဲလိုက်တာက ဒီအမှုမှာ အဓိက တာဝန်ရှိသူတွေဖြစ်တဲ့ စစ်ခေါင်းဆောင်တွေရဲ့ တာဝန်ခံမှုကို မှေးမှိန်စေတယ်လို့ NLD က ဆိုပါတယ်။
ဒါ့အပြင် မြန်မာနိုင်ငံ ဖွဲ့စည်းအုပ်ချုပ်မှုစနစ်အရ စစ်တပ်ရဲ့ ရပ်တည်မှုနဲ့ အာဏာခွဲဝေပုံစံကို ထည့်သွင်းမစဉ်းစားဘဲ အရပ်သားခေါင်းဆောင်တွေကို တရားစွဲဆိုတာက တရားမျှတမှု ရှာဖွေရာမှာ အားနည်းစေမှာ ဖြစ်တယ်လို့ NLD က ထုတ်ပြန်ပါတယ်။
NLD အနေနဲ့ ဒေါ်အောင်ဆန်းစုကြည်နဲ့ ဦးထင်ကျော်တို့ကို စစ်ခေါင်းဆောင်တွေနဲ့အတူ တရားခံစာရင်းထဲ ထည့်သွင်းထားတဲ့အပေါ် အာဂျင်တီးနားတရားရုံးကို ဖမ်းဝရမ်းပြန်လည်သုံးသပ်ပေးဖို့ မေတ္တာရပ်ခံ တိုက်တွန်းထားပြီး၊ အမျိုးသားညီညွတ်ရေးအစိုးရ (NUG) က လည်း မှားယွင်းသော စွပ်စွဲမှုအဖြစ် မှတ်ယူပြီး ဖေဖော်ဝါရီ ၁၈ ရက်နေ့မှာ တရားရုံးဆီ တောင်းဆိုမှု တင်ပြထားတယ်လို့ သိရပါတယ်။
UK အခြေစိုက် Burmese Rohingya Organisation UK (BROUK) ကတော့ စစ်ခေါင်းဆောင် မင်းအောင်လှိုင်နဲ့ အပေါင်းအပါတွေကို အာဂျင်တီးနားတရားရုံးကနေ ဖမ်းဝရမ်းထုတ်လိုက်တဲ့အပေါ် ကြိုဆိုကြောင်း ထုတ်ပြန်ထားပါတယ်။
#အမေစု
#သမ္မတ
#အရေးကြီးသတင်း
#အရေးတော်ပုံမုချအောင်ရမည်
#စစ်ကောင်စီ
#စစ်ရေးသတင်း
#သတင်းတိုများ
#ဒေါ်အာင်ဆန်းစုကြည်
#ဦးထင်ကျော်
#စစ်အာဏာရှင်
#လူ့အခွင့်အရေး
#တရားမျှတမှု
#nld
#ဒီမိုကရေစီ
#စစ်တပ်
#သတင်း
#news
#idmchannel
#idmnews
Повторяем попытку...
Доступные форматы для скачивания:
Скачать видео
-
Информация по загрузке: