رمح الهقاوي |اعاني من النسيان لي حول مدري كم (خالد ال بريك) بطيء

Описание: الـ سناب

.

.

.

https://www.snapchat.com/add/wwy_900?...

الكلمات:

احزن ليا من الشفق صار كنه دم
واحس ان الارض تضيق بي كني الجاني

ليا طاح قرص الشمس خلف الجبال الصم
اغيب معه .. واطيح في عالمٍ ثاني

غريب الشعور اللي يجي بين هم وغم
قلق ، شوق ، ذكرى ، فقد | يالله لا تبلاني

شعوري وانا اضمد جروحي واخاف تشم
ولا ودي ان الناس تدري عن احزاني

شعور اليتيم اللي ليا قيل : مالك هم
يعرف انها تنقال : من دافع انساني .

ضغوط الحياه اللي تخم النشاما خم
مشتتٍ التفكير .. تشتيت وجداني

اعاني من النسيان لي حول مدري كم
واعاني واعاني بس مدري وش اعاني .

يا ربعي ترى بعض المشاريه مثل السم
تغاضو ليا قصرت معكم على شاني ..

انا اللي يطيب ليا سعى في لزوم وتم
ويمرض لامنه قال : ما اقدر و لا امداني

ياليته مايفرق عندي المدح والا الذم
مدام الحياه مولية .. والعمر فاني

ضعيف الروابع ما يداري ولا يهتم
وانا اخاف من شرهات ربعي وشيباني

ولاني من اللي خص خيره وشره عم
ابا الخير كله يلحق الناس من داني

مع ان الظروف اللي تغثرب غزير الجم
تقول انها يا ابو سليم تحداني .

واذا يامهند رمح بعض الهقاوي زم
لعله ما يجرح كل طيب ومتفاني

ماقد حنت الدنيا علينا سوات الام
ولا قد تعلمنا بها درس مجاني

وانا كل ما شفتك ذكرت الجبال الشم
وذكرت الوفا اللي طول الايام خواني

وتذكرت حلمٍ لاح برقه وسيله طم
ولا فيه احد غيرك على الحلم جراني

رفيقٍ معودني على ابشر وهاك وسم
اماري بطيبك و احرق كبود عدواني

جمعنا الوفا مانت بولد خال والا عم
ولاعاد اعدك غير واحد من اخواني

تعال انتقاسم ما بقى ضحك والا هم
ماندري بعد لو باقي احلام وآماني