ធម៌សូត្រអោយពរ & ធម៌ យា ទេវតា ប្រែជាពាក្យកាព្យពិសេស (អក្សរច្បាស់ HD )

Описание: នេះគឺជាកម្រងធម៌ពាក្យកាព្យ មេរៀននេះ ផលិតឡើងយ៉ាងពិសេសសម្រាប់ឧបាសក ឧបាសិកា និងពុទ្ធបរិស័ទទាំងអស់ ដែលចង់ចេះ នៅធម៌
សូត្រនេះ នេះគឺធម៌សូធ្យឱ្យពរ ឬសូត្រជូនពរដល់ម្ចាស់ទាន & និងធម៌ យា ទេវតា ប្រែជាពាក្យកាព្យពិសេស សម្រាប់មិត្តអ្នកសិក្សារៀនសូត្រ
និងដើម្បីជាប្រយោជន៌រួម សម្រាប់ទុកជាធម្មទាន នៅក្នុងព្រះពុទ្ធសាសខាយើង ដោយក្តីជ្រះថ្លាពីខ្ញុំបាទ សុធា ។
☸ ផ្សព្វផ្សាយធម្មទានដោយៈ ឧបាសក សួស សុធា
រក្សាសិទ្ធគ្រប់យ៉ាង (បំរាម ហាមយកវីឌីអូនេះផុស ដើម្បីប្រយោជនផ្ទាល់ខ្លួន ក្នុងរកណីណាមួយក៏ដោយ)
មេរៀនព្រះធម៌សម្រាប់មិត្តអ្នករៀនថ្មីៗ
អនុភាពព្រះពុទ្ធមន្តៈ    • អនុភាពព្រះពុទ្ធមន្ត & ធម៌សរសើរព្រះបរិត្ត  ...  
តេជៈខ្ញុំសាង&យំ កិញ្ចិ ប្រែកាព្យៈ    • តេជៈខ្ញុំសាង&យំ កិញ្ចិ ប្រែកាព្យ &ឧទ្ទិសផល...  
ឥមិនា&ធម៌ឧទ្ទិសកុកសសម្រាប់ច្រូចទឹកៈ    • ឥមិនា&ធម៌ឧទ្ទិសកុសល សម្រាប់ច្រូចទឹកជា ភាសា...  
ធម៌ យំកិញ្ចិ ពិសេសជាភាសាៈ    • ធម៌ យំកិញ្ចិ ពិសេសជាភាសា (បាលី និងប្រែជាពា...  

(ធម៌សូធ្យឱ្យពរ)
សូមឱ្យអ្នកទាំងឡាយ សុខសប្បាយទាំងអស់គ្នា
កុំឱ្យមានរោគា ព្រមទាំងសាច់ញាតិសន្តាន ។
ចូរខំប្រឹងប្រព្រឹត្ត សាងសុចរិតធម៌ឱ្យបាន
សព្វថ្ងៃសាសនាមាន ខំធ្វើទានសីលភាវនា ។
កើតមកក្នុងលោកកិយ ទាំងប្រុសស្រីមានវាសនា
ខំរៀនសូធ្យធម៌អាថ៌ ទាន់សាសនាព្រះទ្រង់ញាណ ។
ត្បិតយើងមិនស្គាល់ផ្លូវ នឹងដើរទៅព្រះនិព្វាន
ជាទីសុខក្សេមក្សាន្ត លះបង់បានចាកមន្ទិល ។
ខំធ្វើអំពើល្អ សាងសីលធម៌កុំបីខ្ជិល
បុណ្យកើតពីទានសីល ជួយរំកិលផុតទុក្ខហោង ។
ជាយានសម្រាប់ឆ្លង គ្រឿងចម្លងទុកការពារ
ស្លាប់ទៅឥតមានគ្នា បាននាវាជាពុំនាក់ ។
ជាមិត្តចិត្តស្មោះស មិត្តចិត្តល្អគួរពឹងពាក់
ចម្លងផុតគ្រោះថ្នាក់ ចាកវដ្ដសង្សារា ។
សីលទុកដូចជាតួយាន ទានទុកដូចជាស្បៀងអាហារ
ភាវនាដូចអាចារ្យ ដឹងហត្ថាតម្រង់ផ្លូវ ។
ទៅកាន់លោកខាងនាយ យ៉ាងរីករាយគ្មានសត្រូវ
សុខស្រួលតរៀងទៅ ឆ្ពោះគោលដៅគឺនិព្វាន ។
(ធម៌ យា ទេវតា ប្រែជាពាក្យកាព្យ)
យើងខ្ញុំទាំងអស់គ្នា សូមបូជាដោយធម្មទាន
ដល់ទេវតាដែលមាន នៅទីឋានវត្តនេះក្តី ។
នាខឿនព្រះសថូប ឬនៅនាខឿនចេតីយ៌
សូមមានចិត្តមេត្រី ធ្វើទឹកដីទីវត្តនេះ ។
សូមឱ្យសុខសួស្តី ទុក្ខសោកអ្វីកុំមានសោះ
ម៉្យាងទៀតសង្ឃទាំងអស់ ដែលមានផ្នួសជាថេរៈ ។
ឬក៏ជាមជ្ឈិម ឬនៅត្រឹមជានវៈ
ឬក៏ឧបាសក ឧបាសិកាជាម្ចាស់ទាន ។
ព្រមទាំងអ្នកនិគម ឬអ្នកធំអម្បាលម៉ាន
គ្រប់ស្រុកប្រទេសឋាន សូមឱ្យបានសុខឯកអ័គ្ឃ ។
ម៉្យាងទៀតសត្វឯណា ដែលកើតជាជលម្ពុជៈ
ឬជាអណ្ឌជៈ សំសេទជៈកំណើតក្តី ។
ឬក៏ឧបបាតិកៈ គ្រប់ៗថ្នាក់ជនលោកិយ
ដោយអំណាចសេចក្តី ធម៌បាលីថ្លៃបវរ ។
កុំឱ្យមានទុក្ខសោក ក្តីវិយោគសំសារចរ
ម៉្យាងទៀតសូមព្រះធម៌ ថ្លៃបវរស្ថិតនៅវែង ។
នឹងអ្នកចេះធម្ម សូមតាំងនៅយូរអង្វែង
នឹងសូមអស់គម្តែង សង្ឃម៉ឺនសែនសាមគ្គីធម៌ ។
ដើម្បីប្រយោជន៌ច្រើន នឹងចម្រើនកុសលធម៌
សូមព្រះធម៌បវរ ជួយគាំទ្រយើងគ្រប់គ្នា ។
ហើយសូមអស់យើងខ្ញុំ ចេះចាំគ្រប់កងធម្មា
ដែលអង្គព្រះភគវា ទ្រង់ទេសនាទុកហើយហោង។