Raite leh nau no pawmte chung chu a pik ang

Описание: Audio By - Pu Lianhmingthanga

I made this Content/video using Wondershare Filmora 15 & Adobe Audition with Shure SM58 & Behringer C-1. Please do not upload anywhere else without my permission. You will receive a Copyright Strike if it is uploaded without my permission.

Background Music : Piotr Witowski from Pixabay
Image : Google/Gemini

SAISIHCHHUAH INLARNA - 1953
'HARMAGEDON'
Rev. C. Dáràwia: K-77 (1929 – 2005)
Cheural - Darzo - Sangau
1953 favàng khaw thiang nuam êm êm mai hnuaiah, zíng chaw ei khamah thingzai turin, chaw fùn leh thingzaina leh chem kengin ka țhianpa nèn kan in ațangin kan chhuak a.
Kan in danna in hi a chhe hle a. Kohhran Upa ni ve si, in chhe lutuka awm chu a fel lo ve tiin ka ngaihtuah țhin a ni.
Vawiin hian țhianpa thing kan zai phawt ang a, naktukah chuan ka thing kan zai ve tawh ang chu tiin phûr êm êmin ka chhuak a ni. Ka rilruah chuan thingzai bâk engmah a lang lo.
Hetih lai vel hi Thuhriltu Pu Suakliana, mi ropui tak a rawn zin lai a ni a, a hàwn a hun tawh hle a, mipuiin kan la kham si lo va. Amah hi mitdel a ni a, mahnia kal thei a ni lo. Pilêr khuaa awm a ni.
Keini țhian dùn thingzai tur kal lai chuan kan Thuhriltu mikhual thlah turte pawh khawlaiah an lo awm khawm laih laih a, mi an tam hle a. Pu Hrángàwna kawtah mikhual kal tur chu chibai an bûk a, kei pawhin ka chibai ve a.
Chutia mikhual kal tur ka chibai zo, khawlaia ka din lai tak chuan thil danglam tak, lung tiléng si, hriatthiam harsa tak, ropui tak leh râpthlâk tak mai chu a lo lang ta a ni!
Khawvêl hi thim rûih mai hian ka hmu a, a reh țhup mai a, rî rêng rêng hriat tur a awm ta lo va. Khawvêl hi zàn reh ai pawhin a reh zâwk ang tih mai tur hi a ni a. Thupuan bû-a 'Dár chanve lai vàn a reh' tih thûte pawh chu ka hrechhuak hial a! Ka kianga dingte țawng rî pawh chu an lo reh zo ta vekin ka hre bawk a. Ka han hawi vêl a, khawvêl hi ngui nghuai hian a lang a.
Thim rûihin a lang a, a tithimtu chu bomb leh silai khû leh ram kàng khu zám vêl ni ber hian ka hria a. Mahse, hla tak tak erawh chu a hmuh theih tho si a ni.
Chutih lai chuan Burma ram, tuna Myanmar an tih tâk chu ka han thlír chho va. Ram thing rêng rêng hi hnah leh țang leh zár pawh awm lo vin an lo kawlh zo vek a, an lo kàng dum hiam huam mai a. Kàngvár tûka lo-a kan kal a, thlawhlai leh vaute an lo kàng dum hiam huam ang maia râpthlâk a ni!
Thingbul tin leh a vêl zawng zawng chu mi ruangin a lo khat zo vek mai a. Kan ram lam pawh, chuti tho chuan a lo awm a ni.
Ka han hawi vêla, ka han en ngun deuh chuan, thil râpthlâk tak tak an lo lang a. Mi ruang tam tak kárah chuan nausente'n an nûte thi tawh hnutê an hne laite ka hmu ta a!
'Hei hi eng nge ni le?' tî-a ka ngaihtuah lai tak chuan, Lal Isua thusawi 'Rai leh nau no pawmte chung a pik ang' a tih kha a ni e tî-a hrilhin ka lo awm ta a.
Chutihlai tak chuan, Kolodyne, 'Chhimtuipui' kan tih țhin, Burma ram ațanga lui tê pakhat, Saisih luiin a rawn finna hmun 'SAISIHCHHUAH' chu ka han en chian meuh chuan lui dung tluanin mi ruang leh thisena khat tlatin ka hmu ta a! Lui tui fíma luang tawh lo vin, zàwi fan rûih hian thisena luang tawlh dùl dùlin ka hmu ta a, tuipui tui fím pawh a lang thei tawh lo a ni!
Saisihchhuahah chuan khandaih, laifei hmawr zumte leh chem hmawr zumte chu Hêlhlíng ang maia tamin ka hmu bawk a. Kan ram chung chu indona khu zám vêl chuan a tuam mup mup mai a, mak ka ti êm êm a!
Râpthlâk ka ti êm êm mai a. 'Hei hi eng nge ni le?' tî-a ka ngaihtuah lai takin ka rilruah chuan hrilhtu awm ang maiin, 'HARMAGEDON a nih hi’ tiin ka hre ta a.
"Chuti a nih chuan chhandamte chu engzât nge ni ang?" ka ti a. Ka kiangah chuan kan vénga mi tlém tê an lo lang a.
Kei chuan, "An tlém em mai, a dang kovin ka han sáwm leh teh ang" ka ti a. Âw ang mai chuan, "Ko mah la, a sâwt tawh lo a ni. Tunah chuan khawngaihna hun a tâwp tâ! Khawngaihna kawng khar a ni tâ!" tiin ka hre ta a.
Chu veleh ka țap ta zawih zawih mai a.