საქართველო რუსეთის წინააღმდეგ

Описание: საქართველო რუსეთის წინააღმდეგ - ადამიანის უფლებათა ევროპულმა სასამართლომ 2008 წლის აგვისტოს ომის საქმეზე 33 მოწმე დაკითხა. ამის შესახებ ინფორმაციას სტრასბურგის სასამართლო ავრცელებს.

მოწმეთა დაკითხვა სტრასბურგში 2016 წლის 6 ივნისიდან 17 ივნისამდე მიმდინარეობდა. სასამართლომ მოისმინა 33 მოწმის ჩვენება: 16 მათგანი გამოძახებული იყო საქართველოს მთავრობის მიერ, 11 – რუსეთის ფედერაციის მიერ, ხოლო 6 მოწმე უშუალოდ სასამართლოს მიერ იყო მიწვეული.

პრესრელიზში წერია, რომ საჩივარი ეხება საქართველოსა და რუსეთის ფედერაციას შორის 2008 წლის აგვისტოში მიმდინარე შეიარაღებულ კონფლიქტსა და მის შემდგომ პერიოდს.

2011 წლის 22 სექტემბრის სასამართლო მოსმენის შემდეგ, 2011 წლის 13 დეკემბერს პალატამ საჩივარი დასაშვებად ცნო საქმის არსებითი მხარის წინასწარი შეფასების გარეშე.

2012 წლის 3 აპრილს პალატამ საჩივარი განსახილველად დიდ პალატას გადასცა. ადამიანის უფლებათა ევროპული სასამართლო განაგრძობს საქმის განხილვას.