Şəhid General-mayor Polad Həşimov - un əziz xatirəsinə..

Описание: #Şəhid #PoladHəşimov #CənabGeneral

Tovuz döyüşlərində şəhid olan döyüşçülərimiz...
Əsgərlərlə çiyin-çiyinə döyüşən general-mayor Polad Həşimov və digər qəhrəmanlarımız...
Ruhunuz qarşısında baş əyirik!


Rüşvət almadan, kirayədə qala-qala döyüşlərdə iştirak edən, öz şəxsi hesabından cəbhədə postlar tikən, sağ ikən adına post olan general.

Bakıya ona verilən xidməti maşınla gəlirdi, maşını nazirliyə təhvil verib, şəxsi işlərinə metro ilə gedən general-mayor Həşimov Poladdır o.

General-mayor Polad Həşimov 4 il əvvəl "Aprel döyüşləri"ndə göstərdiyi xüsusi şücaətə görə ordenlə təltif edilmiş və ona dövlət tərəfindən ev verilmişdi.

Polad Həşimov həmin evi ehtiyacı olan bir şəhid ailəsinə bağışlamışdı. Bu cür generallar tək-tük olur, onu da itirdik.


Polad İsrayıl oğlu Həşimov 1975-ci ildə Qəbələdə doğulub. Orta məktəbi Sumqayıt şəhərində bitirib. Ali hərbi məktəbi Azərbaycanda, akademiyanı isə Türkiyədə oxuyub. Polad Həşimov 2003-cü ildə, mayor qismində Azərbaycan Respublikasının Prezidenti Heydər Əliyevin sərəncamı ilə "Hərbi xidmətlərə görə" medalı ilə təltif edilib. 6 il sonra, 2009-cu ildə isə Polad Həşimov artıq polkovnik-leytenant rütbəsində prezident İlham Əliyevin sərəncamı ilə "Vətən uğrunda" medalına layiq görülüb.

2014-cü ildə, Üçüncü dərəcəli "Vətənə xidmətə görə" ordeni ilə təltif edilən Polad Həşimov, 2016-cı ildə aprel döyüşləri zamanı göstərdiyi qəhrəmanlığa görə, İlham Əliyevin sərəncamı ilə artıq, II dərəcəli "Vətənə xidmətə görə" ordeninə layiq görülüb.

2016-cı ildə Aprel döyüşləri zamanı Polad Həşimov Talış kəndi istiqamətində döyüşlər aparan 1-ci ordu korpusunun komandanı olub.

24 iyun 2019-cu ildə prezidentin sərəncamı ilə Polad Həşimova general-mayor rütbəsi verilib.


Polad İsrayıl oğlu Həşimov (1975, Vəndam, Qəbələ rayonu – 14 iyul 2020, Ağdam, Tovuz rayonu, Azərbaycan) — Azərbaycan Silahlı Qüvvələrinin general mayoru. 2020-ci ildə Tovuz döyüşləri zamanı qəhrəmancasına şəhid olub.