الملا علي تلاله ( لون السمه اتغير )
Автор: أشبال الزهراء
Загружено: 2026-02-13
Просмотров: 28
Описание:
لون السمه تغير .. هاي المسيه
والمرتضى انشوفه .. ابحاله شجيه
لمن نظر .. صوب القمر .. حس بمصاب
هل دمعته .. من شوفته .. اْو دلاله ذاب
١
في ليله اْو ياهي ليله كلها حسره
طلع حامي الحمه اْو بعيونه عبره
لقه لون السِمه متغيره حمره
و عرف يعني بسجوده اتصوبه طبره
بتاسع عشر رمضان .. لمن رآها
هالليله يعرفها .. وبشرها طهٰ
نام الوصي .. وشاف النبي .. بعد الغياب
هل دمعته .. من شوفته .. ودلاله ذاب
٢
ابو الحمله مُذل كل العساكر
قعد لاچن قعد صافن اْو حاير
أكيد لموته ما همه الي صاير
واظنه خايف اعله اولاده باچر
خايف على اولاده .. من جور الايام
من كربله لطيبه .. للكوفه والشام
شاف اْو دره .. ابكل شي جره .. اْو ناح الكتاب
هل دمعته .. من شوفته .. اْو دلاله ذاب
٣
نظر كاس اللبن والحره عنده
اْو كأنه بالحسن يتلوى وحده
باچر يا وسف بتسمه جعده
اْو عگبها اجنازته اتصوبها الاعده
ايظلمونه عدوانه .. والحسره اتزيد
اْو عن جده الطاهر .. ايدفنونه ابعيد
قلب الحسن .. من الزمن ..وآلامه شاب
هل دمعته .. من شوفته .. اْو دلاله ذاب
٤
خذت كاس العذب بنته الوديعه
تشربه وبيها شاف اصعب فجيعه
نظر عباس طايح عالشريعه
جديل اْو طاحت اچفوفه قطيعه
مثل النهر دمه .. ومصيوبه عينه
وبأخر انفاسه .. ينظر سكينه
شاف الولد .. اعضيده قعد .. يشكي ابعتاب
هل دمعته .. من شوفته .. اْو دلاله ذاب
٥
گصد ايتام يومية يجيها
اْو صارت تبچي من شافت وليها
تخيل زينب اْو ماحد اليها
اْو حارت باليتامه و ابچيها
خيمتها محروقه .. وماعدها كافل
وتنادي حيرانه .. وينك بوفاضل
شايف هله .. في كربله .. اتقاسي العذاب
هل دمعته .. من شوفته .. اْو دلاله ذاب
٦
مشه لمحرابه بس دلاله ذايب
يحس بحسين اْو گاصد للكتايب
سجد والسجدة بيها حِس مصايب
مثل سجدة وليده اعله الترايب
اْو بس صوبه الظالم .. اْو طاح او تطبر
تخيل ابو سكينه .. طاح وتعفر
شاف الولد .. دامي الجسد .. فوق التراب
هل دمعته .. من شوفته .. اْو دلاله ذاب
الشاعر عبدالله العسيف
Повторяем попытку...
Доступные форматы для скачивания:
Скачать видео
-
Информация по загрузке:
