Iku se nuk gjeti kushte te mira, pronarja e viles pengon pushuesin | ABC News Albania

Описание: Visar Mato dhe familja e tij pak ditë më parë shkuan për pushime në Livadh të Himarës. Qëndruan një natë në një vilë të prenotuar. Por te nesërmen vendosen te largohen, të pakënaqur, pasi kushtet nuk ishin te mira. Të irrituar nga vendimi i klientit, pronarja e banesës ka tentuar tu bllokojë rrugën, duke i dalë para makinës së tyre.
Siç duket në këto pamje të filmuara nga brenda makinës ku gjendej familja e Visar Matos, Katerina Joshi është mbështetur në këto veprime edhe nga një person tjetër.
I kontaktuar nga abc Visar Mato tregon konfliktin me pronaren e vilës ku pushoi në Livadhe.
Pasi qëndruam të enjten, të premte në mëngjes i kërkuam internet një zonje që punonte në vilë meqënëse përfshihej si shërbim. Përgjigjja që morëm ishte, nuk ka. Më pas vumë re probleme me higjienën dhe vendosëm të largoheshim. Dolëm nga vila pasi i bëmë pagesën për ditën që qëndruam. Ajo na kërkoi që paguanim edhe për dy ditë. Nuk pranuam dhe më pas zonja që shërbente na tha se duhet të paguanim një çarçaf të djegur me hekur. Po kjo nuk ishte e vërtetë, s’kishim djegur asgjë.
Familja Mato u largua për në Sarandë, por përgjatë rrugës, siç tregon kryefamiljari, po ndiqeshin nga një makinë dhe një motor.
“Në dalje të Himarës një makinë që bënte manovra dhe I binte borisë na bllokoi rrugën. Ndaluam pasi menduam se dikush kërkonte ndihmë. Nga makina zbriti një grua, ishte pronarja e vilës, të cilën nuk e kishim takuar më parë”.
Ektarina Joshi nisi tu kërkojë llogari për pagesën dhe për dëmet që ajo pretendon se I kishte bërë familja Mato.
“Mundëm të shkëputeshim nga ta, pasi pronarja e vilës u përplas me një mjet tjetër. Gjatë rrugës pamë një furgon policie. I kërkuam ndihmë, por ata u larguan dhe ne u kthyem pas për në komisariatin e Himarës. Aty ndodhej vetëm një punonjës policie, që na tha të qetësoheshim, se askush s’po na ndiqte më”.
42 vjecari i tha abc se per shkak te komunikimit jo serioz te ketij efektivi, ai u detyrua të bënte kallëzimin në Komisariatin e policisë së Sarandës për dhunën e ushtruar nga 52 vjecarja. Nga ana tjetër pronarja e viles, qe u përplas me pushuesin, Ektarina Joshi ka bërë kallëzim në komisariatin e Himarës ndaj Visar Matos, për shkatërrim prone.
Për abc ka folur edhe pronarja e hotelit Katerina Joshi. Ajo ka rrëfyer se shkak I sherrit nuk ishte pagesa e një nate, por dëmet dhe ndotja e shkaktuar nga klientët në dhomë. Gjithashtu sipas saj Visar Mato ka ofenduar recepsionisten dhe pastuesen
“Ai përdori fjalor fyes ndaj recepsionistes dhe pastueses. Qëndrimi jonë në rrugë nuk ishte për pagesën, por për të pritur policinë. Në momentin që ai u largua në atë mënyrë unë njoftova policinë e Himarës dhe në pritje të saj i pengova rrugën. Policia erdhi, por ai nuk e priti, u largua. Nëse ai do ishte i pastër duhet të kishte qëndruar. Ne nuk i kemi bërë terror as atij dhe as familjes, përkundrazi ai përdori fëmijën duke e bërë për të qarë”, ka thënë Joshi.
Ne një rast te ngjashëm, 2 vite me pare, Mihal Kokëdhima, pronari i një lokali në Porto Palermo, u konfliktua dhe dhunoi një grup pushuesish spanjollë, që kishin shkuar ne restorantin e tij.


Per informacionet me te fundit klikoni:

Web: http://abcnews.al/

Facebook:   / abcnews.al  

Instagram:   / abcnewsal  

Subscribe kanalin tone ne: youtube:   / abcalbanian  

#abcnews #abcnewsalbania