Riria Mugutwenja Pt 2-[Atongoria]

Описание: #ngwanamarurumi #kamarungogoyo #josephkamaru
Album:-Ngwa na Marurumi
Album Release:-1991
Stream or Listen : https://smarturl.it/NgwaNaMarurumi
Website: https://josephkamaru.com/

Lyrics:
Rĩrĩa mũgũtwenja atongoria rĩrĩa mũgũtwenja mũmenyage mwenji nĩenjagwo na muongi nĩ akongwo. Mirica nĩ mĩingĩ atongoria rĩrĩa mũgũtwonga mũtige kuonga mwĩkinyĩire thĩ ĩno ndĩrĩ mwene.Rĩrĩa mũgũtwatha itonga ona inyuĩ mũmenye gũtiri muoyo wa mũthĩni kana wa gĩtonga.
Thenge ici mũrarĩa atongoria nĩ ithuĩ tũtwĩrĩire tanakunywo mũno nĩ ngarĩ tũgĩetha ihũrũra. Ngoima ici mũrarĩa atongoria no ithuĩ tũtwĩrĩire ngengeria na c’onge mĩeũ inĩ mwanahũrwo nĩ ime? Ngoima ici mũrarĩa atongoria no ithuĩ tũtwĩrĩire ngengeria na c’onge mĩeũ inĩ twanahũrwo nĩ ime.
Nyũmba mũrakoma atongoria nĩ ithuĩ tũmwakĩire tũhũrĩte kagoto kware na koroga no ithuĩ. Ngaari ici mwĩnacio atongoria athondeki nĩ ithuĩ twanarengetwo ciara nĩ cuma nĩguo mũrĩe maisha. Njoohi ĩno mũranyua atongoria nĩ ĩthuĩ tũrĩmĩire tũhũrĩte hianyũ ngano inĩ ciana irĩ o mĩgongo. Kahũa mũranyua atongoria tũkaramatĩte ciana imonyoretwo mĩgongo magĩcaria fiithi.
Gĩtige gũthaka na mũingi rĩrĩa wĩ gĩtĩ inĩ gũtirĩ hĩndĩ ũngĩinia thũmbĩ tũtatwĩte ciira. Waigua ngĩina rũrũ Kamaarũ nĩ nduĩrĩtie ngona kiugo kĩa bata kĩa ng’enyũ ĩno nĩ nyita tũthĩnje. Waigua ngĩina rũrũ Kamaarũ nĩ nduĩrĩtie ngona kiugo kĩa bata kĩa ng’enyũ ĩno nĩ nyita tũthĩnje.