Shije Shtëpie - Krepa të mbushur me spinaq, në furrë nga Znj. Vjollca - Tv Klan

Описание: #ShijeShtëpie në #TvKlan. Emision edukues, informues & argëtues me znj. Vjollca dhe Katerina Trungu. Çdo ditë me recetat e thjeshta dhe mbi të gjitha ekonomike te znj. Vjollca duke edukuar amvisat si të ushqehemi shëndetshëm. Rubrika të ndryshme me të ftuar specialë me këshilla të thjeshta praktike, të kuptueshme nga të gjithë, për çdo aspekt të të përditshmes. Argëtim, me muzikë dhe quiz, lojëra gjithëpërfshirëse që të japin atë dëshirën për të luajtur dhe për të komunikuar live me Katerinën dhe të ftuarit e saj.

Mbushja:

500 gr spinaq

Pak gjalpë

Kripë dhe piper i zi

Djathë tosti mozzarella

2-3 lgj gjizë (pa kripë)

Krepat:

2 vezë

130 gr miell

Arrë moskat

250 ml qumësht

Beshameli:

2 lgj gjalpë

2 lgj miell

400 ml qumësht

Kripë

Arrë moskat

2 lgj parmixhan

Fillimisht vendosim spinaqin e pastruar në një tenxhere me ujë të valuar për 2 minuta. E kullojmë dhe vendosim spinaqin në ujë të ftohtë me akull me qëllim që të ruajmë ngjyrën. E kullojmë dhe e shtrydhim mirë me duar.

Vendosim më pas spinaqin në tigan me pak gjalpë ose vaj. Rregullojmë shijen me kripë dhe piper të zi. Nëse preferoni mund të shtoni dhe fara pishe ose luledielli. E largojmë nga zjarri dhe vendosim spinaqin në një tas.

Ndërkohë përgatisim brumin e krepave. Në një tas rrahim vezët, shtojmë qumështin, gjalpin e më pas miellin, kripën dhe i përziejmë mirë të gjithë përbërësit. Më pas lyejmë tiganin me pak gjalpë e më pas shtojmë gjysmën e garuzhdes dhe pjekim krepat nga të dy anët pa i dhënë ngjyrë.

Vendosim krepat mbi tavolinë dhe vendosim mbi çdo krep pak spinaq të përzier me gjizë dhe djathë tosti mozzarella. I mbledhim krepat role.

Përgatisim pak beshamel, 2 lugë gjelle gjalpë, 2 lugë gjelle miell dhe 400 ml qumësht, sa beshameli të marrë valë. Vendosim 2-3 lugë gjelle. E hapim mbi sipërfaqen e tavës e më pas vendosim roletë krepa në tepsi njëra pas tjetrës. Pjesën tjetër të beshamelit, e përhapim mbi sipërfaqen e krepave. E spërkatim me pak parmixhan të grirë dhe vendosim tepsinë në furrë në temperaturë 190 gradë për 25 minuta.


SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/ #Receta#ZonjaVjollca#KaterinaTrungu