التنمر العاطفي / خمس علامات صادمه في العلاقات

Описание: ⁨ ⁨ 5️⃣ نقاط اذا شفتها/شفتيها بالعلاقه او صداقه لاتكمل/ لاتكملين🙅🏻‍♀️ ⚠️

1️⃣ عدم توازن واضح جدا او خلل بطاقة الذكوره والانوثه ( يعني الرجل يتوقع منك ان تقومين بدوره بالعلاقه وتتحملين مسؤولية كل شيء وتدافعين عن نفسك ورغم كل هذا تضلين مذنبه ومخطئه 😶)
2️⃣ الشخص يحاول يعزلك عن اهلك اصدقائك محيطك بحجه انه يخاف عليك او يغار ( الشريك السليم راح يحاول يتاقلم مع محيطك ويتوددلهم ويكون علاقات طيبه معهم لان يهمه تكونين سعيده ومرتاحه مو ينتزعك من جذورك) 🤝
3️⃣ الشخص يحاول يقلل من عملك من مهنتك من هوايتك سواء بالمزح او الجد وينتقص منك( هذا اكبر شي واكثر شي ممكن ياثر عليك وانتي مو حاسه بيه لانه مع الوقت راح يخليك ماتعرفين انتي منو ولا شنو هدفك بالحياه لانك بساطه راح تفقدين ثقه حتى بنفسك وبقدراتك وممكن تتنازلين عن كل حقوقك لانك اصلا تعتقدين ان ماعندك حقوق وماتستحقين شيء)
4️⃣ تأنيب الضمير الدائم من قبل الطرف الاخر واللوم على كل شيء ( حتى اذا عصب او تعامل بطريقه معينه فانتي تكونين السبب لان انتي عصبتيه انتي استفزيتيه وانتي الي جبرتيه يسوي كل هذا 🤐 وهذا مع الوقت راح يخليك تبررين الى مالانهايه ولكل احد وتكون ماعندك ثقه بنفسك وتتحملين مسؤولية كلشي بحياة كل شخص موجود بمحيطك وهذا الشي طبعا يخليك في غضب واستفزاز دائم لان ماتقدرين تعبرين عن نفسك فتكبتين كل شي)
5️⃣ الشخص يقارنك باشخاص اخرين سواء جسديا او فكريا او عاطفيا ( شوفي هاي الممثله شون ضعيفه مو نفسك ، يحسسك بطريقه مباشره او غير مباشره انك بحاحه لاجراء عمليات تجميل وتعديل حتى تكوني نفس النسخه الي باله وهذا شي طبعا غلط لان هو اذا مايريدك ماراح يكون لحظه وياك بس هو يقلل منك حتى يقدر يسيطر عليك ويبينلك انه هو الوحيد الي متقبلك وراضي بيك رغم كل عيوبك وهذا اخطر العلامات والريد فلاج والي بالغالب عند الاشخاص النرجسيين 🤫)
.
.
.
#حب_الذات #العلاقات_الإجتماعية #العلاقه_السامه #النرجسي #توكسك⁩⁩