📖 პასუხი კითხვაზე — რატომ არ უნდა წავიდეთ ჰელოუინზე? ✝️

Описание: 🕊️ შეხვედრა ახალგაზრდებთან „დავითიანნის“ არაფორმალური განათლების ცენტრში
🌿 თემა: „თაობა Z – სულიერი გამოწვევები“

💭 შეხვედრის ფარგლებში ერთ-ერთმა ახალგაზრდამ დასვა შემდეგი შეკითხვა:

❓შეკითხვა : "ძალიან ბევრი კარნავალები გვაქვს, მაგალითად ჰელოუინი. მეგობრები საუბრობენ რა ჩაიცვან და როგორ შევიკავოთ თავი ამ დღეზე წასვლისგან? და ასევე მეგობრებს როგორ ავუხსნათ, რომ ქრისტიანობა არ გვბოჭავს უბრალოდ ჩვენ არ გვინდა წასვლა ჰელოუინზე?"

💬პასუხი შეკითხვაზე : "რამდენიმე წელია ჩვენს ქვეყანაში დაამკვიდრეს ეს დღესასწაული, რომელსაც ჰელოუინი ჰქვია. ეს არის წარმართული დღესასწაული და პირდაპირ სატანის ანუ ეშმაკის თაყვანისცემა. პირდაპირ, ერთმნიშვნელოვნად არის ეშმაკის თაყვანისცემის დღესასწაული. ამერიკაში იყო ეს ტრადიცია დამკვიდრებული, ადამიანებს აცმევენ ეშმაკის ფორმებს, სისხლები, საშინელებაა წარმოიდგინე ეს. ეს ისე გახადეს, რომ ვინც ამაში მონაწილოებას არ იღებს — იმას შემდგომ დასცინიან, აბულინგებენ ამ ბავშვებს. თან მთელი ცხოვრება ვსაუბრობთ, რომ არ შეიძლება ბულინგი, მაგას ვიძახით ყველა, რომ ყველა ადამიანს აქვს თავისუფალი არჩევანი და ნება.

მე ვიცი, რომ პედაგოგები ბავშვი, რომელიც იმ დღეს სკოლაში არ მიდის — ამ ბავშვის პედაგოგები შემდეგ დასცინიან. კლასის წინაშე შეიძლება პედაგოგმა დასცინოს ბავშვს. ანუ რასაც ახლა პედაგოგები ვამბობთ, რომ არ შეიძლება, ყველას თავისუფალი არჩევანი აქვს, თავისუფალი ნება აქვს — ის პედაგოგი, რომელმაც სხვა თემის გამო შეიძლება გადაგიაროს — ესეთ ადამიანს ქოლავენ ანადგურებენ.

თუნდაც კლასელი რომ არ მოვიდა კლასში და ამაში მონაწილეობა არ მიიღო, პედაგოგმა ხო უნდა შეუწყო ხელი და უნდა უთხრა — მერე რა? ეს ხომ მისი არჩევანია? — ესეთ რამესაც კი არ აკეთებენ. ძალიან ბევრი ბავშვისგან მომისმენია ეს, რომ ბევრი ბავშვი არ მისულა სკოლაში, არ იღებს მონაწილეობას, რადგან ეკლესიურია, მაზიარებელია, აღმსარებელია. რატო უნდა მიიღო ამაში თანამონაწილეობა?

ხო არის ეროვნული ტანსაცმელის დღე დაწესებული — მოდი გავაკეთოთ, რომ ეროვნული ტანსაცმელის დღე იყოს სკოლაში, ამას არ აკეთებენ. ეს არავის არ უნდა. ჩვენ გვაქვს ეროვნული სამოსის დღე და ხო შეიძლება სკოლაში ყველანი მივიდეთ ეროვნული ტანსაცმელით, ყველას ექნება ოჯახში ეროვნული ფორმა. გერმანიაში რაღაც დღესასწაული, რომ არის ბავშვიან-დედიანად ყველას ეს ფორმა აცვია, ავსტრიაში რომ ნახავ ლუდის დღესასწაული რომ არის ყველას ეროვნული ფორმა აცვია, შოტლანდიაშიც, ინგლისშიც.

თუ ჰელოუინზე ესე გვაქვს ყურადღება გამახვილებული, რატომ ამაზე არ მახვილდება ყურადღება? — ეს ეშმაკს არ უნდა.

მე ესეთ რამეს ვურჩევ, ჩემები რომ მეკითხებიან მამაო როგორ მოვიქცეთ ამ დღეს? — არ წახვიდე ამ დღეს სკოლაში. ძალიან მარტივია ერთი დღე არ წახვიდე სკოლაში. თუ კი იმის გეშინია, რომ დაგაბულინგებენ — მთელი ცხოვრებაში ამაში იქნები. შენმა მეგობარმა როგორ უნდა დაგაბულინგოს? — ე.ი. შენი მეგობარი ის არც ყოფილა. ჩვენ ქრისტიანებმა ამაში მონაწილობა არ უნდა მივიღოთ არანაირი სახით. "

✝️ დეკანოზი შალვა კეკელია — ამონარიდი შეხვედრიდან (30.10.2025)