تعلم العود الدرس الثالث (بالمختصر المفيد) كيف نمسك الريشة ؟ كيف نحرك اليد اليمنى أثناء العزف ؟

Описание: #عود #تعليم_العزف_على_العود #تعلم_العود#العود#عزف_عود #موسيقى_عود#مقامات #تعلم_العود_أونلاين#مقامات_موسيقية #موسيقى_شرقيه #موسيقى_عربية#ريشة #ريشه #الريشة #مسكة_الريشة #كيف_نمسك_الريشة؟#كيف_نحرك_اليد_اليمنى_أثناء_العزف؟#الإيد_اليمين#اليد_اليمنى#العزف_باليد_اليمنى

الدرس الثالث من سلسلة تعليم العود للمبتدئين (بالمختصر المفيد)
من خلال هذا الدرس سنتعلم كيف نمسك الريشة ؟ كيف نحرك اليد اليمنى أثناء العزف ؟

0:00- مقدمة
0:45- شارة البداية
1:06- كيف نمسك الريشة ؟
2:50- الأخطاء الشائعة
3:34- كيف نحرك اليد اليمنى أثناء العزف ؟
4:26- ملاحظة مهمة
5:05- النهاية


فضول سعد عازف عود و موسيقي محترف, خريج المعهد العالي للموسيقا بدمشق- سوريا اختصاص عود
لديه سنوات من الخبرة في عزف و تعليم آلة العود ( بشكل مباشر أو اونلاين عن طريق الانترنت)
شارك كعازف عود محترف في العديد من الحفلات الموسيقية داخل و خارج سوريا (لبنان-الهند-العراق)
عمل كمساعد مدرس في صف العود ضمن المعهد العالي للموسيقا في دمشق
عضو منذ التأسيس في رباعي العود السوري
مدرس عود في معهد صلحي الوادي للأطفال في دمشق
مدرس لمادتيي الموسيقا و التربية المدنية الامريكيه في مجمع ميديا الدولي

لمزيد من المعلومات فيما يخص دعم هذه القناة, العمل الموسيقى أو الدروس الخصوصية عبر الإنترنت او بشكل مباشر، يمكنكم التواصل معنا على
009647517295263 رقم الهاتف
[email protected]

تعلم العود الدرس الثالث (بالمختصر المفيد) كيف نمسك الريشة ؟ كيف نحرك اليد اليمنى أثناء العزف ؟
إخراج الصوت الأفضل و الأجمل بأي آلة موسيقية هو من أهم الأهداف بحياة العازف , و آلة العود آلة بتطلب تمرين و جهد كتير مع ذوق سمعي عالي لحتى نحصل فيها على إخراج صوت جميل و رنان , و لنصل للصوت المطلوب أغلب المسؤولية بتقع على الإيد اليمين ان كان بطريقة مسك الريشة أو تحريك الإيد اليمين أثناء العزف.
مرحبا أنا أسمي فضول سعد و أهلا و سهلا فيكن بقناتي عليوتيوب بسلسلة بالمختصر المفيد, درس اليوم درس مهم جدا حنحكي فيه كيف لازم نمسك الريشة و نحرك الأيد اليمين أثناء العزف, هاد حيكون الجزء الأول من هالدرس يالله خلينا نبدأ.

حنبدأ بطريقة مسك الريشة, متل ماكلياتنا منعرف أصابع الإيد هنن الإبهام, السبابة, الوسطى, البنصر و الخنصر. الإبهام و السبابة بيمسكو براس الريشة, الأصابع التلاتة الباقيين بيلتفو حوليها. الريشة ما بتخرج بشكل متعامد مية بالمية من تحت الإبهام و إنما بتشكل زاوية معو ما تكبرو الزاوية كتير أو تصغروا كتير بالبداية خليكن معتدلين. السبابة بتتجهز بشكل بيشبه الخطاف و رأس السبابة بيدعم الريشة من الأسفل.

طبقوا ضغط خفيف على الريشة بين السبابة و الابهام متل ما أنا عم بعمل لحتى ما تفلت من ايدكن انتو و عم تعزفو شي بسيط مافي داعي نشنج ايدنا كتير, لاحظو معي اذا كانوا السبابة و الابهام جدا مرخيين و بجي بجرب انكز الريشة بتطلع من مكانها بينما مع تطبيق ضغط خفيف منلاقيها ثبتت. بشكل عام لازم الايد تكون مسترخية أثناء مسك الريشة و العزف ما تشنجوها كتير خليكن مسترخين فقط ضغط حفيف بين السبابة و الإبهام.

ضروري جدا تتمرنوا عمسكة الريشة بشكل منفصل بالبداية و عيرو وقت متل ازا بتتزكروا بالدرس الماضي كيف تمرنا عمسكة العود, بلشوا من 30 ثانية ,دقيقة , دقيقة و نص و عهالمنوال حتى تعتادو عليها .

الأخطاء الشائعة:
الخطأ الأول: أنو يخرج راس السبابة عن حدود الإبهام دائما خلو راس السبابة ضمن حدود الإبهام .
الخطأ الثاني: أنو راس السبابة يقابل الجزء السفلي من الإبهام بهاد الشكل, دائما لازم يقابل الجزء العلوي لفوق شوي لتحت شوي يمين يسار مافي مشكلة لكن المهم يكون الجزء العلوي.
الخطأ الثالث: هو إطالة الريشة أو تقصيرها بشكل مبالغ فيه خليكن معتدلين شوفو اذا بتحبو هاد الطول قدروا بنظركن و اعتمدوا بشكل مبدأي اطول شوي اقصر شوي مافي مشكلة.

بعد ما تعلمنا كيف منمسك الريشة حنتعلم كيف منحرك الإيد اليمين و لكن بالبداية لازم نثني المعصم. ما تبالغوا بزاوية الثني لا تخلوها كتير حادة أو كتير منفرجة خليكن معتدلين, الحركة الاساسية بالعزف بتكون بإنو منحرك المعصم بحركة دورانية نحو الأسفل أو حركة دورانية نحو الأعلى. للأسفل منسميها ريشة نازلة و للأعلى منسميها ريشة طالعة معناتا, نازل طالع هابط صاعد صد رد, كيف ما بتحبو تسموها سموها. ومفيد كتير انو تتمرنو على هي الحركة بالبداية انتو و ماسكين الريشة بدون عود.

ملاحظة مهمة: الخطوات اللي تعلمتوها لطريقة مسك الريشة هي دليل للمبتدئين , مع مرور الوقت, التمرين و الإعتياد الأصابع و الإيد حيلاقو الشكل الأريح لمسك الريشة, ممكن مثلا نطوي السبابة او نمدها أو نص عنص مافي مشكلة لكن عطول خلو ببالكن هالنقطة الهامة جدا, دائماالأولية لدعم الريشة من الأعلى ومن الأسفل, لأنو هاد الدعم حيأثر عجودة صوت الريشة النازلة و الطالعة, اما بالنسبة للإبهام ان بنصح انو يبقى ممدود بالمراحل الأولى من العزف.

بالجزء التاني حاحكي ليش ضروري نتمرن على مسكة الريشة و ثني المعصم مع الحركة الدورانية نحو الأسفل بشكل منفصل بدون العود.

وصلنا لنهاية الجزء الأول تمرنو كتير منيح و بصبر عالشي لي اخدناه ,أزا عجبكن الفيديو حطو لايك و شاركوا مع الأصدقاء و اكيد اشتركوا بالقناة.
كان معكن فضول سعد . منلتقي بالجزء الثاني.