zaxo kurdiu org

Описание: کوردیو زانیاریێت زێدەتر ل دور رویدانا ترافیکی یا گەلیێ زاخۆ بەلاڤ دکەت

کوردیو ـ دھوک ـ ئیبراھیم دێرگژنیکی

ژ ئەگەرێ وەرگەریانا ترومبێلەکا بارهەلگر یا سوتەمەنیێ، ل گەلیێ زاخۆ، ئاگر بەردبیتە یازدە ترومبێلان و د ئەنجام دا ل دویڤ ژێدەرێن تەندورستی و ھاتن و چوونێ نێزیکی ١٥ کەسان دبنە قوربانی ڤێ رویدانێ و سێ بریندار ژی گەھاندینە دھوکێ و دوو ژ وان برینێن وان د دژوارن.

ئەڤرو پشتی ئێڤاری ترومبێلەکا بارهەلگر یا سوتەمەنیێ ل گەلیێ زاخۆ کونترولا خۆ ژ دەست و بو ئەگەرێ رویدانەکا ترافیکی دناڤبەرا ١١ ترومبێلان دا کو ٦ ژ وان بارھەلگرن و ٥ ژی ترومبێلێن بچویکن، د ئەنجام دا ئاگرەکێ مەزن بەربوو ڤان ترومبێلان و ھاتنە سوتن، ئەڤە ل دویڤ گوتنا رائیدێ مافپەروەر ئازاد تەھا بەرپرسێ راگەھاندنا ھاتن و چوونا دھوکێ.

ژ لایێ خۆەڤە ل دور قوربانیێن ڤێ رویدانێ، باوەر بەرەکات بەرپرسێ راگەھاندنا ساخلەمییا زاخۆ ب کوردیو راگەھاند "ژئەنجامێ رویدانا ئەڤرو ل گەلیێ زاخۆ، حەفت کەسان گیانێ خۆ ژ دەست داینە و شەش کەس ژی بریندار بوینە، کو سێ ژوان پولیسێن ئاگر ڤەمراندنێ بوون، بەلێ برینێت وان د سڤک بوون و چارەسەری بۆ ھاتینە کرن و ژ نەخوشخانێ دەرئێخستینە" سەبارەت ھەر سێ بریندارێن دی ناڤبری ئاماژە پێکر ئەو ھەر سێ ھاتینە رەوانەکرن بۆ دھوکێ.

بەرپرسێ راگەھاندنا ساخلەمیا زاخۆ دیارکر "قوربانیێن ڤێ رویدانێ ھێشتا نەھاتینە نیاسین ژبەرکو گەلەک سوتینە، لێ ب تنێ ئێک ژ وان قوربانیا دیارە تورکە. حەمزە رەزیکی بەرپرسێ راگەھاندنا ساخلەمیا دھوکێ بۆ کوردیو دیارکر "ئەو سێ بریندارێن رویدانا زاخۆ ئەوێن گەھاندینە دھوکێ، رێژا سوتنا دوو ژ وان ١٠٠% ێ یە.

ا.د