Молитва Святому великомученику Георгию Победоносцу

Описание: О всехвальный святый великомученик и чудотворец Георгий Победоносец! Призри на нас скорою твоею помощию и умоли Человеколюбца Бога, да не осудит нас, грешных, по беззакониям нашим, но да сотворит с нами по велицей Своей милости.
Испроси нам у Христа Бога нашего тихое и богоугодное житие, здравие душевное и телесное, земли плодородие и во всем изобилие. Да подаст Он стране нашей и всему боголюбивому воинству на супостаты одоление и да укрепит непременяемым миром и благословением.
Огради нас святых ангел Своих ополчением, во еже избавитися нам от козней лукавого. Услыши ны, страстотерпче Христов Георгий, и моли за ны непрестанно Триипостасного Владыку, да обрящем милость со ангелы и архангелы и всеми святыми славить Отца и Сына и Святого Духа во веки веков. Аминь.