Uniko - Si u vra Florian Selimi, publikohen pamjet kur trupi i 23-vjeçarit u gjet ne kanal

Описание: Në Gusht të vitit 2019, në fshatin Sulaj të Fierit u gjet i vrarë me thikë 23-vjeçari Florian Selimaj. Trupi i tij ishte hedhur në një kanal dhe u gjet pas disa orësh kërkime.

Mamaja e viktimës, Dukate Selimi, në një intervistë për emisionin Uniko nga Spartak Koka në Klan Plus, ka rrëfyer se si e gjetën djalin të vrarë, te cilët persona dyshojnë që janë autorë të ngjarjes.

Ajo thotë se mbrëmjen kur u zhduk djali i tyre, kanë qëndruar së bashku me policinë në vendin e ngjarjes, aty ku ishte ndaluar makina me defekt e 23-vjeçarit. Por, zonja Dukate shprehet se policia nuk ka bërë kërkim gjatë natës, por kanë qenë vetë familjarët të cilët kërkonin. Në mëngjes ishte bashkëshorti i saj i cili gjeti trupin e pajetë të të birit në anë të kanalit. 23-vjeçari Florian Selimi ishte goditur me thikë në qafë dhe trupi i tij ishte tërhequr për disa metra nga vendngjarja.

“Burri im e gjeti. Në mëngjes vetëm ai u fut duke kërkuar edhe e ka gjetur. Ka ecur për 30 metra në ujë dhe është gjetur pikërisht në vendin ku qeni i policisë ka kërkuar që të ikte për në drejtim të djalit. Por e kanë mbajtur aq fortë. Djalin e ka gjetur burri në orën 06:30, na ka thirrur ne, ka thënë hajdeni se e gjeti baba djalin e vetë. Kemi qenë të gjithë, kanë vrapuar disa prej tyre. Djalin e kanë gjetur në cep të kanalit, kishte ngelur tek barishtet. Kanë vajtur e kanë marrë. Ishte shumë e çuditshme që ata (policia) nuk kanë pasur një ambulancë aty në vendngjarje. Kanë mbajtur djalin mbi 1 orë pa çuar në morg sepse nuk kishin asnjë ambulancë në vendngjarje. Djalin e kemi gjetur të therrur në qafë me thikë. 20-25 metra është vendi ku e kanë tërhequr. E kanë tërhequr pastaj aty i kanë futur thikën, pastaj e kanë shtyrë e kanë hedhur në kanal, kanë ecur edhe 20-30 metra në kanal”, shprehet Dukate Selimi.

#Uniko #SpartakKoka #KlanPlus | Misteret e pazbardhura të kronikës. Çështjet më të bujshme të drejtësisë në vend. Që nga historitë më të fundit deri tek ato që tashmë janë harruar.Me dëshmi, intervista,pamje dhe dokumente të papublikuara më parë.

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/