EP20- សុបិន និង ការពិត | សៀវភៅប្រវត្តិសាស្ត្រកម្ពុជា | Cambodian historian Mr. Vanndy Kaonn

Описание: បន្ទាប់ពីរបប សាធារណរដ្ឋខ្មែរ ត្រូវប្រទេសកុម្មុនីសក្នុងតំបន់វាយរំលំ នៅថ្ងៃទី១៧ មេសា ឆ្នាំ១៩៧៥ ប្រទេសកម្ពុជាបានធ្លាក់ចូលទៅក្នុងវិនាសកម្ម មួយដ៏ក្រៀមក្រំ។ នៅក្នុងរបបខ្មែរក្រហមដឹកនាំដោយ ប៉ុល ពត ហើយដែលមានប្រទេសចិនកុម្មុនិស្ត ជាខ្នងបង្អែក ប្រជាជនខ្មែរជាង១លាននាក់ ត្រូវបានគេសម្លាប់នៅក្នុងស្ថានភាពគួរអោយសង្វេគពន់ពេកក្រៃ។ នៅដើមឆ្នាំ១៩៧៩ កងទ័ពវៀតណាមដែលមានជំនួយពីសហភាពសូវៀត បានចូលមកស្រុកខ្មែរវាយរំលំ របរកម្ពុជាប្រជាធិបតេយ្យ។ អធិករណ៍ រវាងកុម្មុយនិស្តចិននិងកុម្មុនិស្តវៀតណាមតាមរយៈមេដឹកនាំខ្មែរចេះតែមានបន្តទៀត។ កិច្ចព្រមព្រៀងសន្តិភាពទីក្រុងប៉ារីសឆ្នាំ១៩៩១ និងអន្តរាគមន៍របស់អង្គការសហប្រជាជាតិនៅឆ្នាំ១៩៩២ បានរៀបចំការបោះឆ្នោតសេរី ដែលបានផ្តល់ជ័យជំនះអោយគណបក្សរាជានិយម ដឹកនាំដោយព្រះអង្គម្ចាស់នរោត្តម រណឫទ្ធិ។ ប៉ុន្តែរដ្ឋប្រហារ ខែកក្កដា ឆ្នាំ១៩៩៧ បានបើកផ្លូវឲបក្សប្រជាជនកម្ពុជាកាន់អំណាចបន្តទៀត។ សុបិន របស់ប្រទេសដែលដណ្តើមគ្នាលេបទឹកដីខ្មែរ កំពុងតែក្លាយទៅជាការពិត។ អ្នកដឹកនាំខ្មែរព្រមទាំងប្រទេសជាប់ពាក់ព័ន្ធ ពុំព្រមអនុវត្តកិច្ចព្រមព្រៀងសន្តិភាព ទីក្រុងប៉ារីសឡើយ ហើយបានរុញច្រានស្រុកខ្មែរអោយធ្លាក់ជ្រៅទៅៗ ក្នុងមហន្តរាយមួយដ៏ធំធេងសារជាថ្មីទៀត។
ដោយ៖ វ៉ាន់ឌី កាអុន