"Mənə görə, absurd bir şeydir" | Üzərlik bitkisi ilə bağlı vacib xəbərdarlıq - Baku TV

Описание: "Mənə görə, absurd bir şeydir" | Üzərlik bitkisi ilə bağlı vacib xəbərdarlıq - Baku TV

Demək olar ki, hər evin girişində, qapısının üstündə üzərliyə rast gəlmək mümkündür. Bu bitki xalq təbabətində və mədəni-ritual ənənələrdə geniş istifadə olunsa da, tərkibindəki bəzi psixotrop təsirə malik birləşmələr səbəbindən bəzi ölkələrdə qadağan olunan maddələr siyahısına daxil edilib.
Mövzu bir neçə gün əvvəl “Azərbaycan Hava Yolları”nın (AZAL) Rusiyaya səfər edən vətəndaşlara müraciətindən sonra yenidən gündəmə gəlib. Şirkət üzərlik aparan azərbaycanlıları səfər edəcəkləri ölkənin qüvvədə olan qanunvericiliyi və gömrük qaydaları ilə əvvəlcədən diqqətlə tanış olmağa çağırıb.
Baku TV məsələ ilə bağlı paytaxt sakinləri arasında sorğu keçirib.
“Hər ölkənin öz qayda-qanunu var. Biz buna nə deyə bilərik?! Amma mənə görə, bu, absurd bir şeydir. Nəzər üçün yandırmağımızın özü də xurafatdır”, – deyə vətəndaşlardan biri bildirib.
Digər bir sakin isə qeyd edib: “Üzərlik narkotik kimi istifadə olunur. Ona görə qoxusu insana təsir edir”.
Hüquqşünas Vüsal Cəfərovun sözlərinə görə, üzərlik bitkisi Azərbaycan Respublikasının qanunvericiliyinə əsasən, narkotik vasitələrin siyahısına daxil deyil.
“Bu halda həmin bitkinin daşınması, göndərilməsi və saxlanması cinayət məsuliyyəti yaratmır. Lakin bir sıra xarici dövlətlərin qanunvericiliyində üzərlik narkotik vasitələr siyahısına daxil edilib”, – deyə o əlavə edib.
Səhiyyə Nazirliyinin yaydığı məlumatda qeyd olunur ki, üzərliyin tərkibində psixotrop təsirə malik harmalin və harmin kimi alkaloidlər mövcuddur. Bu alkaloidlər mərkəzi sinir sisteminə təsir göstərən psixoaktiv birləşmələr hesab olunur.
Nazirlik həmçinin vurğulayıb ki, Azərbaycanda üzərliyin yandırılması qədim ənənə kimi qəbul olunur və bu formada istifadəyə birbaşa qadağa yoxdur. Rusiyada isə 7 yanvar 2024-cü il tarixli qərarla üzərlik bitkisi rəsmi olaraq narkotik vasitələr siyahısına daxil edilib.

Bizi WhatsApp-da izləyin https://whatsapp.com/channel/0029VaAm...

https://t.me/bakutvxeber
https://x.com/bakutvofficial
  / baku.tv  
https://www.baku.tv

"Mənə görə, absurd bir şeydir" | Üzərlik bitkisi ilə bağlı vacib xəbərdarlıq - Baku TV

2026 © All Rights Reserved ℗ "Baku TV" LLC ™


#bakutv #bakutvxəbər #üzerlikbitkisi #vacibxəbərdarlıq #bitkilər #səhiyyə #təbii müalicə

baku tv,baku tv xəbər, aktual xəbər, Azərbaycan xəbərləri, xəbər, baku tv canlı, gündəm, son dəqiqə, xəbər, Azərbaycanda son xəbərlər, Azərbaycan