Maja e Velës!

Описание: Në pjesën veriore të Lezhës ngjitëm majën e Shkrepit para një viti nga fshati Troshan. Maja me kryesore dhe interesante ishte ajo e fshatit Velë-Vendi. Një banor i zonës na e tregoi dhe që atëherë e mbaja mënd që duhet ta vizitoja një ditë.
Rreth disa kilometra nga Lezha me makinë drejt fshatit Velës filloi rruga e keqe që na detyroi të linim makinën e të ecnim në këmbë. Nga disa info të mëparshme duhet të gjenim rrugën për tu afruar tek fshati Velë-Vendi sepse nga aty fillonte shtegu tamam, po për fat keq që në fillim rrugën që kishim marrë ishte e gabuar.

Duhet të pyesni ndonjë banor që të jeni në rrugën e duhur. Kjo është një alternativë që do ndimoj çdo kënd midis opsionit të shkoj këtej apo andej :) Ngjitje sfiduese në krahasim mes ecjeve të tjera, në këtë rast i kombinon ato me një ecje përgjatë një kreshtë të ajrosur me një ndjenjë shumë alpine dhe shpesh me pamje nga deti sa herë e kthen kokën pas.

Në Velë-Vendi ende jetojnë vetëm rreth 15 familje. Një mësues vjen çdo ditë me motoçikletë nga Lezha dhe mëson të gjithë fëmijët që mund të gjejë, pavarësisht moshës së tyre, në shtëpinë e shkollës së bardhë, përballë kishës.
Për shumë alpinistë dhe adhurues, ky është objektivi ekziston një statujë (Zoja e Velës) në piramidën prej çeliku të pandryshkshëm të stacionit të motit, dhe njerëzit që jetojnë përreth malit kujdesen më shumë për të sesa për regjistrimet e motit.

Nëse pamja e kreshtës drejt majës kryesore nuk ju duket shumë frikësuese, vazhdoni shëtitjen. Pasi të zbrisni nga maja kryesore, mos nguroni të hyni me ndonje shtëpi që mund tju presë me shumë bujari siç na priti dhe ne Violeta.

Maja e Velesit është rreth 1170 metra dhe mund të jetë e nxehtë dhe e thatë në verë. Pranvera, vjeshta dhe dimri janë kohë të mira për të ecur në Velës. Merrni shumë ujë.