Debatet PD-PS në Kuvend për pronat, replikat Topalli-Ruçi për ish-pronarët-(15 Mars 2012)

Описание: Lajme Arkiva 2012

Projektligji për privatizimin e truallit shtetëror në përdorim dhe taksës mbi të drejtën e përdorimit të tij ka ndezur debate në seancën plenare të Kuvendit. Deputetët e opozitës deklaruan votën e tyre kundër amendimeve me argumentin se drafti i qeverisë bie ndesh me ligjin për kthimin dhe kompensimin e pronave dhe ligjin për shitblerjen e trojeve.
Arta dade: “Amendamentet e sjella sot për ligjin thellojnë më tej thellimin e shqetësimit të Bashkimit Europian. E vërtetojnë katërcipërisht, se Sali Berisha as ka tani, as ka patur ndonjëherë vullnet politik, për t’i dhënë zgjidhje çështjes së të drejtave të pronësisë. Kjo qeveri thellohet në padrejtësinë e bërë nga regjimi komunist ndaj pronarëve të ligjshëm duke bërë arnime pas arnimesh për të konsoliduar abuzimin me pronat e tokën.”
Kryeparlamentarja Topalli ftoi deputetët e opozitës t’u kërkojnë ndjesë ish-pronarëve për grabitjen që sipas saj u bënë atyre në 50 vjet.
Jozefina Topalli: “Të shoh lotët e krokodilit për ish-pronarët. Ajo parti që për 50 vjet rresht ja hoqi çdo të drejtë prone, është më shumë se hipokrite. Imagjinoni pak kur baballarët tuaj kanë nxjerrë nga shtëpia një shtrajcë me rroba dhe s’ja kanë dhënë për 50 vite. I ka marrë dyqanet, i ka marrë tokat, i kanë marrë pasurinë ish bllokut. Kërkoni së pari falje. Ja keni kthyer ish pronarëve me emrin Beso në mes të Tiranës. Dy ish pronarëve me emrin Fidel dhe sa shokëve të tij ish pronarë, tamam ish pronarë. Pa asnjë cm tokë midis Tiranës dhe ja keni dhënë sa ishit në bashki bashkë me kryetarin. Kjo është sinqeriteti. Ndaj dhe e di si më duket kur flisni ju për ish pronarët, si më dëgju Gramoz Ruçin kur flet për të persekutuarit. A ishit ju ministri i fundit i brendshëm i diktaturës apo nuk ishit?
Ka mjaftuar kjo deklaratë e zonjës Topalli për të ndezur debatin në sallë.
Gramoz Ruçi: “Unë Gramoz Ruçi jam bërë Ministër i Brendshëm më 23 Shkurt 1991, 2 muaj pasi ishte vendosur pluralizmi politik dhe kam qenë ministër i Brendshëm jo i diktaturës, po i tranzicionit. Shefi jot në 91 nuk pranoi ta botonte në gazetën e parë “Rilindja Demokratike”, kërkesën e disa intelektualëve tiranas për të liruar të përndjekurit politik nga burgu. Kurse unë Gramoz Ruçi pas 10 ditësh që u vendosa në detyrën e ministrit të brendshëm kam hedhur 1500 firma, ku u liruan njëherë e përgjithmonë të gjithë të përndjekurit politikë, këtë ta dish mirë ti dhe shefi jot. Kam qenë ministër dhe jam krenar që kam bërë 3 veprime. Veprimi i parë, 1500 firma për të liruar të përndjekurit politik, të dënuarit politik. Vendimi i dytë megjithëse u përmbys një sistem nuk u thye një xham, nuk u këput një lule, nuk u vra njeri. Kurse për të hequr ligjërinë në 97 u vranë 4 mijë njerëz. Veprimi i tretë për herë të parë janë zhvilluar zgjedhje dhe janë numëruar votat kokërr më kokërr pa u manipuluar duke humbur edhe Ramiz Alia në mes të Tiranës, kurse ju në të gjithë historinë e zgjedhjeve dini vetëm të vidhni.”
Debatet kanë vijuar më tej, teksa kryeparlamentarja Topalli e ka akuzuar numrin dy të selisë rozë për vrasjen e katër të rinjve në kohën kur ky i fundit ishte ministër i brendshëm.
Jozefina Topalli: “A ishit ju zoti Ruçi kur 4 fëmijë 17 vjeç në atë kohë i vratë në kufij, i sollët në të gjithë rrugët e qytetit tim, në rrugët e qytetit tim. Këto ishin ato që bëtë ju zoti Ruçi. Zoti Ruçi thotë jam krenar, krenar sepse solli trupat e fëmijëve në rrugët e Shkodrës të vdekur, fëmijë 16 vjeç. Krenar siç thotë ai shoku tjetër Bushati për babën e tij. Krenar sepse hoqët pronat. Krenar sepse i futi në burg. Krenar, jeni krenar ju, krenar s’ju iku krenaria ju.”
Gramoz Ruçi: “Zonjë mos luaj as me fatkeqësinë e 4 fëmijëve që thatë të Shkodrës, të cilët s’kanë asnjë lidhje me personin tim ose mirë me thënë kanë aq lidhje sa mund të kenë me shefin tënd me Sali Berishën në atë kohë. S’ka ndodhur absolutisht asnjë situatë e tillë për atë të cilin flisni gjatë kohës që unë kam qenë në atë detyrë. Kështu që mos spekuloni me këtë çështje.”/tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni n\u00eb faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t\u2019i ndiqni edhe n\u00eb faqen https://tvklan.al/programe/