Открытие штаба по наблюдению

Описание: Чăваш Республикинче халăх сăнав штабĕ тепĕр хут ĕçлеме пуçлать. Унăн тĕп тĕллевĕ – Раççей Президенчĕн суйлавне тата сасăлавне саккунпа килĕшӳллĕн йĕркеленине, ирттернине тĕрĕслесси. Ку ĕç-пуçа экспертсене, политика партийĕсене тата хастар çынсене явăçтарĕç. Халăх сăнавçисем хăйсен витĕмлĕхне пĕрре мар кăтартнă. Иртнĕ суйлавсем çакна аван çирĕплетеççĕ. Халăх штабĕ ăçта ĕçлет – унта пур ĕç те саккун тăрăх. Суйлав кампанине кашни тапхăрта тишкерĕç. Социаллă тетелсене те тимлĕхсĕр хăвармĕç. Интернет уçлăхне ятарлă экспертсем сăнĕç. Вĕсен тĕллевĕ – хыпара тĕрĕслесси. Вăл суя пулсан, кун пирки халăха пĕлтермелле. Электронлă сасăлав еплерех пынине те тишкерĕç халăх сăнавçисем. Инçет мелĕпе сасăласси республикăра анлă сарăлнă. Суйлав участокĕсен ĕç-хĕлне сăнавçăсем тĕрĕслĕç. Йĕркене пăснине тӳрех шута илĕç. Халăх сăнавçисен суйлав саккунне хăйсен пилĕк пӳрнине пĕлнĕ евĕр пĕлмелле, ятарлă вĕренӳ программине алла илмелле. Пĕтемпе виçĕ пин ытла сăнавçă хатĕрлемелле. Раштав уйăхĕн 15-мĕшĕччен кашни муниципалитетра халăх сăнавĕн штабĕсем уçăлмалла. Вĕсем шăпах суйлав ĕç-хĕлне уçăмлатмалла.