PSIKOTERAPIJA B’XEJN GĦAR-RESIDENTI TAD-DJAR TAL-ANZJANI

Описание: ONE.COM.MT • Il-Gvern nieda servizz ġdid ta’ psikoterapija għal tliet elef anzjan u anzjana li bħalissa qegħdin jgħixu f’residenzi tal-anzjani. F’konferenza tal-aħbarijiet minn qalb l-anzjani fil-Mosta, is-Segretarju Parlamentari Anthony Agius Decelis sostna li dan is-servizz ġdid se jikkumplimenta b’mod ħolistiku għal dawk li jgħixu fid-djar residenzjali.

KITBA: KYLE MIFSUD
FILMATI: A. BORG / ARKIVJI

Aktar minn tliet elef anzjan u anzjana li jgħixu fid-djar tal-anzjani se jibdew jibbenefikaw minn servizz ta’ psikoterapista b’xejn.

F’konferenza tal-aħbarijiet mid-dar tal-anzjani tal-Mosta, il-psikoterapista Theresa Micallef spjegat kif it-taqliba li jgħaddu minnha l-anzjani meta jmorru jgħixu f’dar tal-anzjani hija waħda kbira u bosta jkollhom bżonn interventi psikoloġiċi minħabba s-saħħa mentali tagħhom.

THERESA MICALLEF – PSIKOTERAPISTA
“HIJA KOMUNI FIS-SENS LI META JINBIDLU MID-DAR TAGĦHOM U ANKA JIDĦLU FI SPTAR GĦALL-HOME HUMA QED JITILFU ĊERTA INDIPENDENZA TAGĦHOM LI KELLHOM FIL-KOMUNITÀ, FIL-ĦAJJA TAGĦHOM ALLURA HUMA JĦOSSUHA. ĠEJT HAWNHEKK BIEX IMMUT, ĠEJT HAWNHEKK X’SE NAGĦMEL? KELLI ĦAJJA QABEL.”

Kompliet tispjega li dawn l-interventi jistgħu jwasslu wkoll għal relazzjoni aħjar bejn il-professjonijsti li jaħdmu f’dawn id-djar u l-anzjani nfushom.

“FILFATT META HUMA JIBDEW JINGĦALQU FIHOM INFUSHOM ANKI L-IMĠIBA TAGĦHOM MAL-ISTAFF TISTA’ TKUN DIFFIĊLI. HEMM JIBDEW ĊERTU KUNFLITTI LI IMPORTANTI MA JIBQGĦUX BIEX NGĦINUHOM BIEX ANKI DAWN IKOLLHOM KWALITà TA’ XOGĦOL B’MOD AKTAR POŻITTIV.”

Is-Segretarju Parlamentari Anthony Agius Decelis qal li s-servizz ġdid se jiżdied ma’ kullana ta’ inizjattivi li ġew varati kemm għall-anzjani fi djar residenzjali u anki għal dawk fil-komunità. Huwa fakkar kif fl-aħħar baġit, dan il-Gvern qed jinvesti għall-anzjani 171 Miljun ewro.

ANTHONY AGIUS DECELIS – SEGRETARJU PARLAMENTARI
“DAN IS-SERVIZZ SE JGĦIN JAGĦMEL DIN IT-TRANŻIZZJONI BL-AKTAR MOD DINJITUŻ U JIBQGĦU JGħIXU B’MOD DINJITUŻ TA’ KWALITÀ TA’ ĦAJJA TAJBA. SIBNA MIN MA JGĦIX ĦAJJA TAJBA JISPIĊĊA JGĦIX FID-DWEJJAQ META MA JKOLLUX GĦALFEJN JGĦIX FID-DWEJJAQ”

Is-Segretarju Paralmanti qal li grazzi għall-ħidma bieżla ta’ dan il-Gvern fil-jiem li ġejjin se jkomplu jitħabbru iktar servizzi għall-anzjani kemm għal dawk fil-komunità u dawk li jgħixu fid-djar residenzjali.